11/07/2025
371 جار خوێنراوەتەوە
ئینتەرمیلان ویستویەتی گرێبەستێک لە میلان تێک بدات
پەیام سپۆڕت - مەڕوان تاڵیب
یانەی ئینتەرمیلانی ئیتاڵی ویستویەتی ئاڕاستەی گرێبەستی ئاردۆن
جاشاری لە میلانەوە بۆ خۆی بگۆڕێت و ئەو گواستنەوەیە تێک بدات.
ماوەی چەند هەفتەیەکە بەرپرسانی میلان لەگەڵ جاشاری
یاریزانی کڵۆپ بڕوج گەیشتوونەتە ڕێککەوتن و تەنیا ئەوە ماوە لەگەڵ یانە
بەلجیکییەکە ڕێککەوتن ئەنجام بدەن و 38 ملیۆن یۆرۆیان پێشکەش کردووە.
ڕۆژنامەنووس ساچا تاڤۆلێری ئاشکرای کردووە، ئینتەرمیلان
هەوڵیداوە گرێبەستەکە لە ڕکابەرەکەی تێکبدات بە پێدانی ئۆفەرێک بە نزیکەی 30 ملیۆن
یۆرۆ و پێدانی ئەلێکساندەر ستانکۆڤیچ بە یانەی کڵوب بڕوج.
سەرچاوەکە ئەوەش ڕوون دەکاتەوە، بەڵام جاشاری بەو
گرێبەستە ڕازینەبووە و ئینتەرمیلانی ڕەت کردووەتەوە، چونکە ویستی پەیوەندیکردنی بە
میلانەوە هەیە.
لە تۆڕە کۆمەڵایەتیەکان شەیری بکە