لالیگا وەڵامی داواکەی ڕیاڵ مەدریدی بۆ دواخستنی یاریی یەکەم دایەوە

پەیام سپۆڕت - مەڕوان تاڵیب

ڕێکخراوی لالیگا داواکەی یانەی ڕیاڵ مەدرید بۆ دواخستنی یاریی یەکەمی خولەکەیان ڕەت دەکاتەوە.

 یانە شاهانەییەکە لە چەند ڕۆژی ڕابردوو داوای لە لالیگا کرد یاریی یەکەمی خولی ئیسپانی بەرانبەر ئۆساسۆنا دوابخات کە بڕیارە 19ی مانگی هەشت ئەنجام بدرێت، بە هۆکاری نەبوونی کات بۆ ئەوەی یاریزانەکان پشوو بدەن و ئامادەکاری بکەن بۆ وەرزی نوێ بکەن، بەهۆی بەشداریکردنی تیپەکە لە جامی جیهانی یانەکان کە ئێستا لە ئەمریکا بەڕێوەدەچێت.

هەرچەندە بەرپرسانی مێرنگی لەگەڵ یانەی ئۆساسۆنا و یەکێتی تۆپی پێی ئیسپانیا گەیشتبوونە ڕێککەوتنێکی سەرەتایی بۆ دواخستنی یارییەکە، بەڵام ڕادیۆی کادینا سێر ئاشکرای کردووە، ڕێکخراوی لالیگا داواکارییەکەی مەدرید ڕەت دەکاتەوە و پێیانوایە هیچ پاساوێک نابینن بۆ دواخستنی ئەو یارییە، بەڵکو دەبێت لە کاتی خۆیدا ئەنجام بدرێت.