کرووس: هەرگیز یاریزانێکی وەک لامین یەماڵم نەبینیوە

پەیام سپۆڕت - مەڕوان تاڵیب

تۆنی کرووسی ئەڵمانی ستایشێکی بێوێنەی لامین یەماڵ دەکات و ڕایگەیاند، هەرگیز یاریزانێکی لاوی هاوشێوەی نەبینیوە.

 تۆنی قسەی بۆ ڕۆژنامەی لاگازێتا دیلۆ سپۆڕت کرد و وتی: لامین یاریزانێکی ناوازەیە و هیچ یاریزانێکم لەو تەمەنەدا وەک ئەو نەبینیوە، من لە تەمەنی 17 ساڵیدا پەیوەندیم بە تیپی یەکەمی بایرنەوە کرد، بەڵام لە ئاستی ئەودا نەبووم.

لە بەشێکی دیکەی قسەکانی کرووس دەشڵێت: ئەوەی وادەکات بیر بکەمەوە کە یەماڵ تایبەتە، پاڵنەرە بەردەوامەکانییەتی بۆ درەوشاوەیی لە یاریگادا، هەمیشە لە ساتەوەختە سەختەکاندا دەدرەوشێتەوە، لە تەمەنی ١٧ ساڵیدا ئەوە ئاسایی نییە، ئەستێرەی دوو وەرزە و بزانین لە 5 بۆ 10 ساڵی داهاتوو چی دەکات و ئایا بەردەوام دەبێت لە گەشەکردن و چۆن مامەڵە لەگەڵ ئەو شتانە دەکات کە لە دەرەوە ڕوو دەدەن.

لە کۆتایدا سەبارەت بە جێگرەوەی خۆی لە ڕیاڵ مەدرید، کرووس ئاشکرای کرد، تاکو ئێستا یاریزانی هاوشێوەی وەک ئەویان نەدۆزیوەتەوە و بەدوایدا وێڵن، کێشەکە لەوەدایە یاریزانی وا نییە هاوشێوەی خۆی لەو ئاستەدا بن و بەدەستهێنانی ئەو جۆرە یاریزانانە هەرگیز ئاسان نییە.