10/07/2025
244 جار خوێنراوەتەوە
ڕیاڵ مەدرید داهاتووی ڕۆدریگۆی یەکلا کردووەتەوە
پەیام سپۆڕت - مەڕوان تاڵیب
یانەی ڕیاڵ مەدریدی ئیسپانی دەرگای رۆیشتن بە ڕووی
ڕۆدریگۆی هێرشبریدا دەکاتەوە.
لە جامی جیهانی یانەکاندا پاش ئەوەی مەدرید تاکو قۆناغی
پێش کۆتایی هات و لەسەر دەستی پاریس کرایە دەرەوە، ڕۆدریگۆ وەک یاریزانی یەدەگ
مامەڵەی لەگەڵدا کراوە.
ڕۆژنامەنووس فابریزیۆ ڕۆمانۆ بڵاوی کردەوە، هەفتەی
داهاتوو کۆبوونەوەی یەکلاکەرەوە سەبارەت بە داهاتووی ڕۆدریگۆ ئەنجام دەدرێت و یانە
شاهانەییەکە ئامادەیی نیشانداوە دەستبەرداری هێرشبەرەکەی ببێت.
ڕۆمانۆ ئاماژەی بەوەشداوە، لە ئێستادا بەرپرسانی قەڵای
سپی بڕیاری کۆتاییان داوەتە دەستی ڕۆدریگۆ و ئەوان لاریان لە مانەوە یاخوود
ڕۆیشتنی نییە.
لە کۆتایدا سەرچاوەکە ڕوونی دەکاتەوە، ڕۆدریگۆ پەیوەندی
بە نەسڕی سعودییەوە ناکات و سەرنجی تەواوی لەسەر یاریکردن لە ئەوروپا و ئارسیناڵیش
ماوەیەکی زۆرە بەدوای هێرشبەرەکەدا وێڵە.
لە تۆڕە کۆمەڵایەتیەکان شەیری بکە