19/07/2025
316 جار خوێنراوەتەوە
ئەنجومەنى نوێنەرانى عێراق گفتوگۆی هێرشە درۆنییەكانی سەر كێڵگە نەوتییەكانی هەرێم دەكات
پەیام
بڕیارە رۆژی دوشەممە ئەنجومەنى نوێنەرانى عێراق لە كۆبونەوەیەكی نائاساییدا گفتوگۆی هێرشە درۆنییەكانی سەر كێڵگە نەوتییەكانی هەرێم بكات.
فەرمانگەی راگەیاندنی ئەنجومەنى نوێنەران ئەمڕۆ بەرنامەی كاری دانیشتنی رۆژی دوشەممە 21ی تەمموزی 2025ی بڵاوكردەوە كە لە دوو بڕگە پێکدێت.
بڕگەی یەكەمى دانیشتنەکە تەرخانكراوە بۆ گفتوگۆ لەبارەی روداوی ئاگركەوتنەوەكەی كوت.
بڕگەی دووەمیش تەرخانكراوە بۆ بابەتی هێرشە درۆنییەكانی سەر كێڵگە نەوتییەكانی هەرێم، ئەو هێرشانە لە بەرنامەی كاری دانیشتنەكەی پەرلەماندا بە "هێرشی تیرۆریسیتی" ناوبراون.
لە تۆڕە کۆمەڵایەتیەکان شەیری بکە