1 کاتژمێر پێش ئێستا
219 جار خوێنراوەتەوە
بارەگاكانی حەشد بۆردومان كرا و بنكەیەكی ئەمریكاش لە بەغداد بەئامانج گیرا
پەیام
ئەمریكا و قەوارەی زایۆنی پێگەكانی حەشدی شەعبی لە عێراق بە ئامانج دەگرن، مقاوەمەی ئیسلامیش هێرشی كردە سەر بنكەیەكی ئەمریكا لەناو فڕۆكەخانەی بەغداد.
فەرماندەیی پۆلیسی بابل ڕایگەیاند، ناوچەی جەرفوسسەخر لە پارێزگای بابل سێ هێرشی ئاسمانیی كراوەتە سەر و بارەگاكانی حەشدی شەعبیی بەئامانج گرتووە.
هەرچەندە حەشدی شەعبی هیچ ڕاگەیەنراوێكی لەوبارەیەوە بڵاو نەكردووەتەوە، بەڵام پۆلیسی بابل دەڵێت: بە هۆی هێرشەكانەوە دوو كەس بریندار بوون.
لەبەرانبەردا گرووپێكی عێراقی بە ناوی "مقاوەمەی ئیسلامی - سەرایا ئەولیائوددەم" ڕایگەیاند: بۆ تۆڵەكردنەوەی خوێنی عەلی خامنەیی ڕێبەری ئێران، بە فڕۆكەی بێ فڕۆكەوان هێرشیان كردووەتە سەر بنكەی سەربازیی ئەمریكا "ڤیكتۆریا" لەناو فڕۆكەخانەی نێودەوڵەتیی بەغداد.
لە تۆڕە کۆمەڵایەتیەکان شەیری بکە