دوای 20 ساڵ مانەوەى بەبێهۆشی، شازادەکەى سعودیە کۆچی دوایی کرد

پەیام

شازادە وەلید خالید بن تەلال، ناسرواو بە شازادە خەوتووەکە، دوای 20 ساڵ مانەوە بەبێهۆشی ئێوارەی ئەمڕۆ، لەلایەن باوکیەوە هەواڵی مردنی ڕاگەیەندرا.

ئێوارەی ئەمڕۆ 19ى 7ى 2025 خالید بن تەلال  باوکی شازادە خەوتووەکە، مردنی کوڕەکەی ڕاگەیاند و لە تۆڕی کۆمەڵایەتی ئێکس نوسیویەتی "بە دڵێک کە  باوەڕی بە ویست و چارەنوسی خودا هەیە، بە خەم و پەژارەیەکی زۆرەوە  کۆچی دوای کوڕە ئازیزەکەمان ڕادەگەیەنین".

شازادە وەلید لە ساڵی 1990 لەدایکبووە و  لە ساڵی 2005  لە شاری لەندەن کە ئەوکات تەمەنی 15 ساڵ بووە، ڕووبەڕووى ڕوداوی هاتوچۆ بووەوە و تا ئێوارەی ئەمڕۆ بەبێهۆشى ماوەتەوە.

شازادە خەوتووەکە لە ماوەى 20 ساڵی ڕابردوودا هیچ جوڵەو بینینێکى نەبووە و تەنها هەناسەی دەدا، تاوەکو سەرەنجام ئەمڕۆ لە تەمەنی 35 ساڵیدا  بە یەکجاریی کۆچى کرد.