11/10/2025 591 جار خوێنراوەتەوە

لەبەر تەندروستیی هاوڵاتییان، شارێكی یابان بەكارهێنانی ئامێرە زیرەكەكان سنووردار دەكات

پەیام 

بە مەبەستی دروستكردنی هاوسەنگی لە نێوان تەندروستی و تەكنەلۆژیادا، شارێكی یابان بەكارهێنانی ئامێرە زیرەكەكان سنووردار دەكات.

شاری تۆیواكی لە ناوەڕاستی وڵاتی یابان فەرمانێك جێبەجێ دەكات، كە بەكارهێنانی ئامێرە زیرەكاكان وەك مۆبایل بۆ ماوەی زیاتر لە دوو كاتژمێر لە ڕۆژێكدا قەدەغە دەكات.

بە وتەی بەرپرسانی شارەكە هەنگاوەكە بە مەبەستی سنوورداركردنی ئامێرە زیرەكەكانە، كە پاشەكشەی لە پەیوەندیی نێوان خەڵك دروست كردووە، تەنانەت لە شەمەندەفەرەكانیشدا سەرنشینان مۆبایلیان بەدەستەوەیە و قسە لەگەڵ یەكدی ناكەن.

بەپرسانی تۆیواكی ئاماژەیان بەوە كردووە "ئەم بڕیارە بۆ ئەوەیە هەلێك بۆ هاووڵاتیان بڕەخسێنن تا بزانن ئامێرەكانیان لە ڕادەبەدەر بەكار دەهێنن و كاریگەری كەمكردنەوەی بەكارهێنانی هەڵبسەنگێنن، هەروەها بۆ ئەوەیە سیستمی تەندروستی زیاتر باش بكرێت، هاووڵاتیان كاتێكی زیاتر بخەون".

بڕیارەكەی شاری تۆیواكی یابان لەئێستادا هیچ سزایەكی بۆ سەرپێچیكارانی دیاری نەكردووە و تەنیا گرنگی بە ڕێكخستنی كەسیی بەشێوەیەكی خۆبەخشانە دەدات.

بڕیارەكە بۆچۆنی جیاوازی بەدوای خۆیدا هێناوە و هەندێك پێیان وایە كارگەری نەرێنی جدی لەسەر گەنجان دادەنێت، ئەوانەی بۆ خوێندن و كاری ڕۆژانەیان مۆبایل بەكار دەهێنن و هەندێكی دیكە پێیان وایە كاتەكەی بۆ سێ تا چوار كاتژمێر درێژ بكرێتەوە، چونكە دوو كاتژمێر زۆر كەمە، هەندێكیش دەڵێن ئەوە كێشەیەكی كۆمەڵایەتییە و پێویستی بە بڕیاری كەسییە. 

لە تۆڕە کۆمەڵایەتیەکان شەیری بکە

  • 5 رۆژ پێش ئێستا

    هەتا كەشوهەوا ساردتر بێت، خواست لەسەر گۆشتی قەل و قاز زیاتر دەبێت

  • پێش 1 هەفتە

    یابانییەکان كەمتر دەخەون و سەرۆكەکەشیان شەوانە دوو بۆ چوار كاتژمێر دەخەوێت

  • پێش 2 هەفتە

    مامۆستایەک لە کەلار دەنگی وتاری هەینی بە زمانی ئاماژە دەگەیەنێتە دڵی نابیستان

  • پێش 3 هەفتە

    هاوشێوەى ئوستوڕالیا دانیماركیش تۆڕە كۆمەڵایەتییەكان لە منداڵانی خوار 15 ساڵ قەدەغەدەكات

  • پێش 4 هەفتە

    بەهۆی دەستدرێژی بۆ سەر كچان، شای بەریتانیا براكەی خۆى لە ژیانی شاهانە دوورخستەوە

  • 18/10/2025

    تڕەمپ لێبوردنی بۆ ئەو ئەندامەی كۆنگرێس دەرکرد، كە بە درۆزن و فێڵباز ناسراوە

  • 17/10/2025

    پۆڵەندا.. كچێك دوای 27 ساڵ لە دەستبەسەركردنی لە لایەن باوک و دایکیەوە؛ دۆزرایەوە

  • 11/10/2025

    لەبەر تەندروستیی هاوڵاتییان، شارێكی یابان بەكارهێنانی ئامێرە زیرەكەكان سنووردار دەكات

سەرەتا