15 کاتژمێر پێش ئێستا
108 جار خوێنراوەتەوە
سەرۆكی دەزگای میت لەبارەی پڕۆسەی ئاشتییەوە سەردانی پارتەكانی توركیا دەكات
پەیام
سەرۆكی دەزگای هەواڵگریی میت سەردانی پارتە سیاسییەكانی توركیا دەكات و پرۆسەی ئاشتییان لەگەڵ تاوتوێ دەكات.
بڕیارە ئیبراهیم كاڵن، سەرۆكی دەزگای هەواڵگریی نیشتیمانیی توركیا "میت" سەردانی فڕاكسیۆنەكانی پەڕلەمانی توركیا بكات و لەبارەی پێكهێنانی كۆمسیۆنێكی پەرلەمان تایبەت بە پرۆسەی نوێی ئاشتی لە توركیا و باكووری كوردستان گفتوگۆ بكەن، كە دەوڵەتی ئەنقەرە پرۆسەكەی ناوناوە "توركیای بێ تیرۆر".
ئاژانسی ئەنادۆڵ نووسیویەتی: ئەمڕۆ كاڵن دەست بە سەردانەكانی دەكات و سەرەتا لەگەڵ سەرۆكی فڕاكسیۆنەكانی ئاكپارتی، مەهەپە، دەمپارتی و ئیی پارتی كۆ دەبێتەوە، دواتریش چاوی بە سەرۆكی فراكسیۆنەكانی دیكە دەكەوێت و دوایین زانیاری و هەنگاوەكانی پرۆسەكەیان بۆ ڕوون دەكاتەوە.
دوێنێ ئۆزگور ئۆزەل، سەرۆكی پارتی گەلی كۆماری "جەهەپە" كە گەورەترین پارتی ئۆپۆزسیۆنی توركیایە ڕایگەیاند، جەهەپە پشتیوانیی پرۆسەكە دەكات و دەیەوێـت ڕۆڵی ئەرێنیی لە پرۆسەكەدا هەبێت.
لە تۆڕە کۆمەڵایەتیەکان شەیری بکە