6 کاتژمێر پێش ئێستا
107 جار خوێنراوەتەوە
نزیکەى 30 وڵات داوای ڕاگرتنی جەنگی غەززە و گەیاندنی هاوكارییە مرۆییەكان دەكەن
پەیام
لەلایەن حكومەتی بەریتانیاوە ڕاگەیەندراوێكی 25 وڵات بڵاو كرایەوە تێیدا داوای دەستبەجێ ڕاگرتنی جەنگی سەر غەززە و گەیاندنی هاوكاریە مرۆییەكان بۆ كەرتی غەززە دەكەن.
لە ڕاگەیەندراوەكەدا كە 25 وڵات واژویان كردووە لەگەڵ بەریتانیا فەڕەنسا و كەنەدا هەیە، دەڵێن: پێویستە جەنگی سەر غەززە ڕابگرێت، پشتیوانیش لە هەوڵەكان بۆ ڕێككەوتنی ئاگربەست دەكەن.
هەروەها ئاماژە بەوە كراوە نەهامەتی هاووڵاتیان لە غەززە گەیشتووە بە ئاستێكی بێوێنە، ئەو ڕێكارەی حكومەتی ئیسڕائیل پیادەی دەكات لە دابەش كردنی هاوكاریەكان مەترسیدارە و سەقامگیری ناهێڵێت، جەختیش دەكەنەوە بێبەشكردنی هاووڵاتیان لە هاوكاریە سەرەكیەكان جێی قبوڵ نییە، داواش لە حكومەتی تەلئەبیب ڕێگری لە گەیشتی هاوكاریە مرۆییەكان هەڵبگرێت.
لە ڕاگەیەندراوەكەدا ئەو 25 وڵاتە دەڵێن: كۆچپێكردنی كەرتی غەززە و گواستنەوە فەڵەستینەكان بۆ شارێكی مرۆیی جێی قوبڵ نیە، ئاماژەشیان بەوە كردووە كە ئامادەن ڕێكاری دیكە بگرنەبەر بۆ ڕاگرتنی جەنگ لە غەززە.
لە تۆڕە کۆمەڵایەتیەکان شەیری بکە