13 کاتژمێر پێش ئێستا
364 جار خوێنراوەتەوە
چوارچێوەی هەماهەنگی لەبارەی ڕێككەوتننامەی بەغدا و هەولێرەوە كۆدەبێتەوە
پەیام
سەرەڕای كۆبوونەوەكەی پەرلەمان، هەر ئەمڕۆش چوارچێوەی هەماهەنگیی شیعەكان كۆدەبێتەوە و تاوتوێی ڕێككەوتنی نێوان عێراق و هەرێم دەكات.
بەپێی هەواڵی میدیاكان بڕیارە ئێوارەی ئەمڕۆ سەركردەكانی چوارچێوەی هەماهەنگی كۆ ببنەوە، محەمەد شیاع سوودانی، سەرۆكوەزیرانی عێراقیش لە كۆبوونەوەكە بەشداری دەكات، كۆبوونەوەكە تایبەتە بەپێشهاتەكانی ئەم دواییەی عێراق لە نموونەی لێكەوتەكانی ئاگرەكەی كوت و دەرەنجامی لێكۆڵینەوەكان،
هەروەها پرسی لادانی پارێزگاری واست بۆ كپكردنەوەی ناڕەزایی جەماوەریی ئەو سنوورە دوای كەوتنەوەی ئاگرەكە.
بەپێی سەرچاوەیەكی ئاگادار، بڕیارە لە كۆبوونەوەكەی چوارچێوەی هەماهەنگییدا گفتوگۆ لەبارەی هەڵبژاردنی ئەنجوومەنی نوێنەرانی عێراق بكرێت، هەروەها تاوتوێی دۆسیەی هێرشی درۆنەكان بۆ سەر كێڵگە نەوتییەكانی هەرێمی كوردستان بكرێت. بڕیارە گفتوگۆ لەسەر ئەو ڕێككەوتننامەیەش بكرێت كە لەنێوان بەغدا و هەولێردا كراوە و لە ئەنجوومەنی وەزیرانی عێراق پەسەند كراوە.
جێی باسە 82 ڕۆژە مووچەی مووچەخۆرانی هەرێمی كوردستان دابەش نەكراوە و تا ئێستاش هیچ ئاسۆیەكی ڕوون بۆ دابەشكردنی مووچەی مانگی پێنج و شەش و حەوت لەئارادا نییە.
لە تۆڕە کۆمەڵایەتیەکان شەیری بکە