شاندی ئیمڕاڵی پەیامى نوێى ئۆجەلانی بڵاوكردەوە

پەیام 

شاندی دەمپارتی لەگەڵ عەبدوڵڵا ئۆجەلان كۆبووەوە و پەیامى نوێى ئۆجەلانی بڵاوكردەوە، پەڕلەمانی توركیاش كۆمسیۆنێكی تایبەتی بۆ پڕۆسەی ئاشتی پێك هێنا.

ئۆجەلان لە پەیامەکەیدا ئاماژەی بەوە داوە لە چاوەڕوانی ئەوەدایە كارەكانی كۆمسیۆنەکە لە پەڕلەماندا بەرفروان بێت.

دوێنێ هەینی، شاندی پارتی یەكسانی و دیموكراسی گەلان (دەمپارتی) لە زیندانی دوورگەی ئیمڕاڵی لەگەڵ عەبدوڵڵا ئۆجەلان، ڕێبەری زیندانیكراوی پارتی كرێكارانی كوردستان "پەكەكە" كۆ بووەوە.

لە ڕاگەیەنراوێكدا لەبارەی كۆبوونەوەكەوە، دەمپارتی ڕایگەیاند: لە دیدارەكەدا دەربارەی ئەو ڕیزە كۆبوونەوەی لەگەڵ سەرۆككۆمار، وەزیری داد و سەرۆكی پارتە سیاسییەكاندا ئەنجاممان دا، گفتوگۆمان كرد.

بەپێی ڕاگەیەنراوەكە، شاندی ئیمڕاڵی بۆ سێ كاتژمێر و نیو لەگەڵ عەبدوڵڵا ئۆجەلان كۆبوونەوە و ڕایدەگەیەنن: ئۆجالان ئاماژەی بەوە دا، لە چاوەڕوانی ئەوەدایە كارەكانی كۆمیسیۆن لە پەڕلەماندا بەرفروان بێت و بە بەرفراوانترین شێواز هاوكارییەكی گرنگ لە ئاشتی و دیموكراسی بكات.

ئەم سەردانەش دوای ئەوە هات، دوێنێ پەرلەمانی توركیا كۆمیسیۆنێكی 51 كەسی بۆ پرسی ئاشتی پێكهێنا كە  مەرجی لە پێشینەی پەكەكە و دەمپارتی و عەبدوڵڵا ئۆجەلان بوو.

لە كۆمسیۆنەكەدا ئاكپارتی بە 21 ئەندام و دەمپارتی و مەهەپە یەكی بە چوار ئەندام و جەهەپەش بە 10 ئەندام بەشداری دەكەن و ئەندامەكانی دیكەش بە دەرەوەی پەڕلەمان و پارتەكانی دیكە دەدرێت.