زنجیرەیەک هێرشی دیکەی مووشەکی کرایە سەر تەلئەبیب و دەورووبەری

ئێران و حیزبوڵا بە هێرشێکی موشەکیی چڕ و بەکارهێنانی موشەکی هێشوویی، تەلئەبیب و باکووری ئیسرائیلیان کردە ئامانج و زیانی ماددی گەورەیان لە ١١ ناوچەی جیاوازدا لێکەوتەوە. 

میدیاکانی ئێران و ئیسرائیل بڵاویانکردەوە کە شەپۆلێکی نوێی هێرشە موشەکییەکان ناوەڕاست و باکووری ئیسرائیلی گرتووەتەوە، کە تێیدا موشەکی "هێشوویی" لەلایەن ئێرانەوە بەکارهێنرا. 

بەپێی ڕاپۆرتە هەواڵییەکانی کەناڵی ١٢ و ١٣ی ئیسرائیلی، ئەم هێرشە وەک "لێدانێکی هاوبەش" لەلایەن تاران و حیزبوڵاوە لە یەک کاتدا ئەنجامدراوە، بووەتە هۆی دروستکردنی فشارێکی زۆر لەسەر سیستەمی بەرگریی. 

ئامارە فەرمییەکان کە لەلایەن ڕادیۆی ئیسرائیل و دەستەی پەخشی فەرمییەوە بڵاوکراونەتەوە، ئاماژە بەوە دەکەن کە پاشماوە و پارچەکانی موشەکە هێشووییەکان لە ١١ شوێنی جیاوازی ناوچەی "تەلئەبیبی گەورە" کەوتوونەتە خوارەوە.