18 کاتژمێر پێش ئێستا
151 جار خوێنراوەتەوە
ترەمپ: ئازادكردنی دیلەكانى ئیسرائیل كۆتایی بە قەیرانی مرۆیی دەهێنێت
پەیام
دۆناڵد ترەمپ جارێكی دیكە لەبارەی جەنگی قڕكردن و كۆمەڵكوژیی غەززەوە قسەی كرد و دەڵێت" خێراترین ڕێگا خۆڕادەستكردنی حەماسە"
سەرۆكی ویلایەتە یەكگرتووەكانی ئەمریكا كە بە لێدوانە دژیەكەكانی ناسراوە ڕایگەیاند، خێراترین ڕێگا بۆ كۆتاییهێنان بە قەیرانی مرۆیی لە غەززە ئەوەیە حەماس خۆی ڕادەست بكات و بارمتەكان ئازاد بكات.
ئەم لێدوانە هاوكاتە لەگەڵ ئەوەی ئەمڕۆ ستیڤ ویتكۆف، نێردەی تایبەتی ئەمریكا گەیشتە قەوارەی زایۆنی و، بڕیارە پرسی دانوستانەكانی غەززە و قەیرانی مرۆیی و برسێتییی غەززە لەگەڵ سەرانی زایۆنی تاوتوێ بكات.
كەناڵی ئەلعەرەبیە بڵاوی كردووەتەوە، ویتكۆف و ناتانیاهوو لە دۆخێكدا یەك دەبینن كە فشارە نێودەوڵەتییەكان لەسەر قەوارەی زایۆنی لەبارەی غەززەوە هەڵكشاون، دوای وڵاتانی فەرەنسا و بەریتانیاش، كەنەدا وەك نوێترین وڵاتی رۆژئاوا ڕایگەیاند كە دان بە دەوڵەتی فەلەستیندا دەنێت.
سەردانەكە دوای ئەوە دێت بەهۆی مەرجە بەردەوامەكانی داگیركەرەوە، دانوستانی ناراستەوخۆی نێوان حەماس و قەوارەی زایۆنی لە قەتەر گەیشتە بنبەست و ئەمریكا دەیەوێت دانوستانەكان ڕزگا بكات.
لە تۆڕە کۆمەڵایەتیەکان شەیری بکە