ئەنجومەنی پیران شكستی بە پڕۆژە یاسایەك هێنا بۆ ڕێگری لە فرۆشتنی چەك بە ئیسرائیل

پەیام 

ئەنجومەنی پیرانی ئەمریكا ڕێگری لە تێپەڕینی دوو پڕۆژە بڕیار كرد كە ڕێگەی دەگرت لە فرۆشتنی چەك بە قەوارەی زایۆنی، سەرەڕای ئەوە پشتیوانی زۆری لێكرا لە كۆنگرێس.

بینی ساندرز كە سیناتۆرێكی سەربەخۆیە لە ئەنجومەنی پیران نوێنەری ویلایەتی فیرمۆنتە، پرۆژە پێشنیازە بڕیاری پێشكەش بە ئەنجومەنی پیران كرد، كە لە 100 ئەندام پێكهاتوون، بەڵام بە 74 دەنگ بەرانبەر بە 24 دەنگ و هەروەها بە 70 دەنگ بەرانبەر بە 27  دەنگ ڕێگری لە تێپەڕنینیان كرا.

بە پێی ئەو یاسایەی كە بڕیار بوو دەنگی لەسەر بدرێت، كۆنگرێس مافی دەبوو گرێبەستی چەك فرۆشتن گەورە بە دەرەوە ڕابگرێت، بە دەركردنی بڕیارێك بۆ ڕەتكردنەوەی.

هەرچەندە دەنگەكان جیاوازیەكەیان زۆر بوو، بەڵام دەریدەخات دەنگی ناڕەزایەتی دیموكراتەكان بەرانبەر بە ئیسڕائیل لە هەڵكشاندایە بەهۆی كۆمەڵكوژیەكانی غەززە.

بێنی ساندەرز پێشتر ڕایگەیاندبوو ئەمركا كەمتەرەخەمە و دەستی هەیە لە وێرانكاری و كۆمەڵكوژیەكانی ئیسڕائیل لە غەززە و داواشی كردبوو كە ئەو هێرشە بەربەریانە كە لە كەرتەكە ئەنجام دەدرێت ڕابگیرێت.