08/08/2025
231 جار خوێنراوەتەوە
چێڵسی پچڕانی بەستەری ئەژنۆی یاریزانێکی ڕاگەیاند
پەیام سپۆڕت - مەڕوان تاڵیب
یانەی چێڵسی گورزێکی کوشندەی پێش وەرز بەرکەوت و
ئەنجامدانی نەشتەرگەری بەستەری ئەژنۆی بۆ لێڤی کۆلویلی بەرگریکاری ڕاگەیاند.
یانە لەندەنییەکە لە بەیاننامەیەکی فەرمیدا ڕوونیکردەوە،
لێڤی کۆلویلی تەمەن 22 ساڵ لە کاتی مەشقەکانی پێش وەرزدا تووشی پێکان بووە و دوای
ئەنجامدانی پشکنینی پزیشکی دەرکەوتووە بەستەری ئەژنۆی پچڕاوە.
هاوکات چێڵسی ئاشکراشی کردووە، بە سەرکەوتوویی
نەشتەرگەری ئەژنۆ بۆ بەرگریکارەکە ئەنجام دراوە و بەپێی زانیارییەکان بێت زیاتر لە
شەش مانگ لە یاریگاکان دوور دەکەوێتەوە.
لێڤی کۆلویل وەرزی ڕابردوو پێگەی خۆی لە پێکهاتەی ئینزۆ
مارێسکادا کردبووەوە توانی 40 یاری بە شێوەی سەرەکی وەک بەرگریکار ئەنجام بدات و
دوو گۆڵ و دوو ئاسیستی تۆمار کرد.
لە تۆڕە کۆمەڵایەتیەکان شەیری بکە