سەرۆکی ڕیاڵ مەدرید دەرگای بە ڕووی لوکا مۆدریچدا کردووەتەوە

پەیام سپۆڕت - مەڕوان تاڵیب

فلۆرنتینۆ پێرێزی سەرۆکی یانەی ڕیاڵ مەدرید دەرگای بە ڕووی لوکا مۆدریچی یاریزانی پێشووی تیپەکەدا کردووەتەوە.

 یاریزانە کڕواتییەکە دوای تەواوبوونی بۆندەکەی بە فەرمی یانەکەی جێهێشت و پەیوەندی بە ئەیسی میلانەوە کرد.

لە نوێترین هەواڵدا پێگەی دیفێنسا سێنتڕالی ئیسپانی، ئاشکرای کردووە، پێرێز بە گەرمی پێشوازی لە گەڕانەوەی مۆدریچ دەکات بۆ پۆستێکی ڕاهێنەرایەتی لە تیپەکەدا.

سەرچاوەکە زیاتر ڕوونیشی کردووەتەوە، مۆدریچ پێش ئەوەی بڕوات خواستی خۆی بۆ پێرێز دەربڕیوە لە داهاتوو دەیەوێت وەک ڕاهێنەر لە مەدرید کار بکات و بۆ ئەو مەبەستەش پێرێز پێی ڕاگەیاندووە لە داهاتوو دەتوانیت وەک ڕاهێنەر لە ئەکادیمیای لاوانەوە دەست بە کاری ڕاهێنەرایەتی بکەیت.