پێش 4 هەفتە
242 جار خوێنراوەتەوە
ئەستێرەیەکی دیاری ئیتیحاد خواستی گەڕانەوە بۆ ئەورووپا ڕادەگەیەنێت
پەیام سپۆڕت - مەڕوان تاڵیب
فابینیۆی بەڕازیلی و یاریزانی یانەی ئیتیحاد خواستی
گەڕانەوەی بۆ یاریکردن لە ئەورووپا ڕاگەیاند.
لەمیانەی لێدوانێکی ڕۆژنامەوانیدا، سەرەتا فابینیۆ وتی:
نەمدەویست لیڤەرپووڵ جێبهێڵم و بەشمدەویست بچمە یانەیەکی دیکەی ئەورووپا، سەرەتا
ڕێدز ئۆفەرێکی بۆ نوێکردنەوەی بۆندەکەم پێشکەش کرد و چاوەڕێی وەڵامی ستافی
ڕاهێنەرایەتی ئەو کاتە بووم و پێموابوو یاریزانێکی گرنگم، بەڵام بۆم دەرکەوت
وانەماوە و یانەکە بۆ فرۆشتنم ئامادەیە.
لە بەشێکی دیکەی قسەکانی فابینیۆ باسی لەوەکرد، کڵۆپ
ئاگاداری کردووەتەوە هەر یاریزانێک بیەوێت بڕوات ڕێگری لێناکات و ئەوەش دەرگای
ڕۆیشتنی بەڕووی مندا کردەوە.
لە کۆتایدا یاریزانەکەی ئیتیحاد خواستی گەڕانەوەی بۆ
ئەورووپا ڕاگەیاند و ئەوەی خستەڕوو، دەیەوێت دووبارە بگەڕێمەوە و ڕکابەری لەسەر
چامپیۆنسلیگ بکاتەوە و هێشتا پرێمەرلیگیش باشترینی جیهانە، بەڵام پەیوەندیکردن بە
یانەیەکی دەرەوەی ئینگلتەرا لەبەرچاو دەگرێت.
شایەنی باسە فابینیۆ دوو وەرز پێش ئێستا لە لیڤەرپووڵەوە
پەیوەندی بە ئیتیحادی سعودیەوە کرد و توانی 67 یاری بکات و بەشداری 9 گۆڵی کردووە
و وەرزێک لە بۆندەکەی ماوە.
لە تۆڕە کۆمەڵایەتیەکان شەیری بکە