پێش 2 هەفتە
178 جار خوێنراوەتەوە
كۆمسیۆن: پڕۆسەی دەنگدانی ئەزموونی بۆ هەڵبژاردنى عێراق سەركەوتوو بوو
پەیام
كۆمسیۆنی باڵای سەربەخۆی هەڵبژاردنەكان یەكەم پرۆسەی دەنگدانی ئەزموونی و تاقیكردنەوەی ئامێرەكانی ئەنجام دا و ڕایگەیاند: پرۆسەكە سەركەوتوو بوو.
دوێنێ یەكشەممە 10 ی ئاب، لە چوارچێوەی ئامادەكاری بۆ هەڵبژاردنی ئەنجوومەنی نوێنەرانی عێراق كە بڕیارە لە 11 ی 11 ی ئەمساڵ بەڕێوە بچێت. كۆمسیۆنی باڵای سەربەخۆی هەڵبژاردنەكانی عێراق پرۆسەی دەنگدانی ئەزموونی و تاقیكاریی ئامێرەكانی دەنگدانی بەڕێوە برد كە تیایدا كامێرای بایۆمەتری بەكارهێنرا كە وێنەی دەنگدەران دەگرێت و بەراوردی دەكات لەسەر ئەو وێنەیەی لەسەر كارتی دەنگدان و داتابەیسی كۆمسۆندا هەیە.
عیماد جەمیل، سەرۆكی تیمی ڕاگەیاندنی كۆمسیۆنی هەڵبژاردنەكان ڕایگەیاند: وێنەگرتنی دەنگدەران متمانەی پرۆسەكە زیاتر دەكات.
ڕاشیگەیاند: پرۆسەی دەنگدانی ئەزموونی سەركەوتوو بوو و ئامێرەكانی ژماردن و جیاكردنەوەی ئەلكترۆنی و فلاش میمۆری و كامێراكان و كردەی چاپكردنی ڕاپۆرتەكان بە هەردوو زمانی عەرەبی و كوردی بە سەركەوتوویی بەڕێوەچوو.
لە تۆڕە کۆمەڵایەتیەکان شەیری بکە