12/08/2025
318 جار خوێنراوەتەوە
هەڵوێستی گواردیۆلا لە بارەی گواستنەوەی ڕۆدریگۆ ئاشکرا بوو
پەیام سپۆڕت - مەڕوان تاڵیب
پێپ گواردیۆلای ڕاهێنەری یانەی مانچستەر سیتی بەڵێی بۆ
گواستنەوەی ڕۆدریگۆ گۆسی بەڕازیلی
وهێرشبەری ڕیاڵ مەدرید کردووە.
تۆڕی سکای سپۆڕت لە زاری فابریزیۆ ڕۆمانۆوە ئاشکرای
کردووە، بەرپرسانی مانچستەر سیتی لە ئەگەری ڕۆیشتنی ساڤینیۆ بە جدی بیر لە
گواستنەوەی ڕۆدریگۆ دەکەنەوە.
سەرچاوەکە ئەوەش ڕوون دەکاتەوە، پێپ گواردیۆلای ڕاهێنەر
ئێستا پاڵ بە یانەکەیەوە دەنێت هەرچی زووە ڕۆدریگۆی بۆ بگوازنەوە و بەڵێی بۆ هاتنی
هێرشبەرەکە کردووە.
لە کۆتایدا باس لەوە کراوە، پێشبینی دەکرێت لە ڕۆژانی
داهاتوو مانچستەر سیتی پەیوەندی بە ڕیاڵەوە بکات و گفتوگۆی گواستنەوەی بکەن،
هەرچەندە ئاسان نابێت، چونکە یانە ئیسپانییەکە لانیکەم 100 ملیۆن یۆرۆی بۆ فرۆشتنی
هێرشبەرەکەی دەوێت.
لە تۆڕە کۆمەڵایەتیەکان شەیری بکە