لیڤاندۆڤسکی: پەشیمانم لەوەی نەمتوانیوە ڕوو لە خولێک بکەم

پەیام سپۆڕت - مەڕوان تاڵیب

ڕۆبێرت لیڤاندۆڤسکی پۆڵەندی و هێرشبەری بەرشەلۆنە پەشیمانە لەوەی نەیتوانیوە لە خولێکی گەورە یاریی بکات و پێشیوایە هێشتا توانای پێشکەشکردنی باشترین ئاستی هەیە.

 هێرشبەرەکەی بلاوگرانا لە نوێترین چاوپێکەوتنی سەرەتا دەڵێت: کاتێک دەبینم هێشتا پێویست ناکات بەدوای یاریزانە لاوەکان بگەڕێن بۆ شوێنی من و بەڵکو بەدوای مندا دەگەڕێن، بۆم دەردەکەوێت وەرزی داهاتووش دەتوانم زۆر باش بم و هێشتا لە بەرشەلۆنەم بۆ ئەوەی باشترین ئاست پێشکەش بکەم، تیدەگەم ناتوانم ڕکابەری یاریزانە لاوەکان بکەم، بەڵام دەتوانم یارمەتیان بدەم و ئەوانیش دەکرێت هاوکاری من بکەن.

لە بەشێکی دیکەی قسەکانی لیڤا ئاماژە بەوە دەکات، پەشیمانە لەوەی دەرفەتی یاریکردنی لە پرێمەرلیگ لەدەستداوە، بەڵام کاتێک ئاوڕێک لە ڕابردووی لەگەڵ بایرن و دۆڕتمۆند و ئێستاش بەرشەلۆنە دەداتەوە دەکرێت زۆر دڵخۆش بێت بە ژیانی وەرزشی خۆی و هەست ناکات هیچ شتێکی لەدەست دابێت.

لە کۆتایدا ڕۆبێرت ئاشکرای کرد، زۆر یاریزان هەن دەتوانن باڵۆندۆر ببەنەوە، وەرزی لامین یەماڵ ناوازە بووە، ئەگەر ئەمساڵیش نەتوانێت ڕەنگە ساڵی داهاتوو بەدەست بهێنێت، جگە لەوەش بڕوای بە ئاستی لامین نەکردووە کاتێک تەمەنی 15 ساڵ بووە و ئەوەی ئەنجامی داوە مەحاڵ بووە.