پێش 3 هەفتە
260 جار خوێنراوەتەوە
ئۆكرانیا له پێناو كۆتایی هاتنی جه‌نگ ده‌ستبه‌رداری به‌شێك له خاكی وڵاته‌كه‌ی ده‌بێت
په‌یام
سه‌چاوه‌یه‌كی هه‌واڵ ده‌ڵێت، ئه‌گه‌ر هه‌یه ئۆكرانیا له‌سه‌ر پێشنیازی ئه‌مریكا بۆ ڕاگرتنی جه‌نگ له‌گه‌ڵ ڕووسیا، بگاته ڕێككه‌وتنی كۆتایی هێنان به جه‌نگ و به‌رانبه‌ر به ده‌ستبه‌رداربوون له به‌شێك له خاكه‌كه‌ی.
به‌پێی ڕاپۆرتێكی ڕۆژنامه‌ی ته‌له‌گرافی به‌ریتانی، ئه‌گه‌ری هه‌یه ئۆكرانیا ڕه‌زامه‌ندی له‌سه‌ر ڕاگرتنی شه‌ڕ و ده‌ستبه‌رداربوون له‌و خاكانه بدات كه له ئێستادا ڕووسیا كۆنترۆڵی كردوون، ئه‌مه‌ش وه‌ك به‌شێك له پلانێكی ئاشتی كه له‌لایه‌ن ئه‌وروپاوه پشتیوانی ده‌كرێت.
هه‌رچه‌نده ڤلۆدۆمێر زێلێنسكی، سه‌رۆكی ئۆكرانیا، داوای له سه‌ركرده ئه‌وروپییه‌كان كردووه هه‌ر پێشنیازێكی دۆناڵد تره‌مپ بۆ سازشكردن له‌سه‌ر خاكی زیاتر ڕه‌تبكه‌نه‌وه، به‌ڵام ئاماژه‌ی به‌وه داوه كه ڕه‌نگه ڕێگه بده‌ن ڕووسیا ئه‌و ناوچانه‌ی داگیری كردوون، بیانهێڵێته‌وه، ئه‌مه‌ش به واتای ڕاگرتنی جه‌نگه له‌و سنووره‌ی ئێستا ڕووسیا داگیری كردووه له هه‌رێمه‌كانی لوهانسك، دۆنێتسك، زابۆرۆژیا خێرسۆن و نیمچه‌دوورگه‌ی كریمیا.
ئه‌وه له كاتێكدایه كه به‌رپرسانی ئه‌مریكا هه‌وڵه‌كانی تڕه‌مپ بۆ ڕاگرتنی جه‌نگ له‌سه‌ر حسابی ئۆكرانیا نیگه‌رانن به تایبه‌ت كه ڕووسیا داوای كشانه‌وه‌ی ئۆكرانیا ده‌كات به ته‌واوه‌تی له هه‌ردوو لۆهانسك و دۆنێتسك بۆ كۆتایی هێنان به جه‌نگ.
لە تۆڕە کۆمەڵایەتیەکان شەیری بکە