06/12/2025
210 جار خوێنراوەتەوە
ڕووسیا جەخت لە کۆنترۆڵکردنى دوو شارى ئۆکرانیا و بەردەوامى ئۆپراسیۆنەکانیان دەکاتەوە
پەیام
ڕووسیا دەستبەسەرداگرتنی تەواوەتی دوو شاری ئۆكرانیای ڕاگەیاند و جەختی لە بەردەوامی ئۆپراسیۆنەكانیشان كردووە.
وەزارەتی بەرگریی ڕووسیا لە ڕاگەیەندراوێكدا كۆنترۆڵكردنی شارەكانی كرانسوار میسك لە كۆماری دۆنیتسك و ڤۆڵچانسك-ی لە هەرێمی خاركۆڤ بەشێوەیەكی تەواوەتی ڕاگەیاند و جەختی لەوە كردەوە، كە هێزەكانیان لە ماوەی هەفتەی ڕابردوودا بەردەوام بوون لە پێشڕەوی لە تەواوی بەرە جیاوزەكانی جەنگ لە مەیدانی ئۆكرانیادا.
وەزارەتەكە ڕایگەیاندووە كە هێزەكانی ئۆكرانیا زیانێكی فراوان و بەرچاویان لە ڕووی سەرباز و كەرەستەكانیان بەركەوتووە و هەزاران سەربازیان لە بەرەكانی باكوور و ڕۆژاوا و باشوور و ناوەند و ڕۆژهەڵات هەروەها ناوچەی دنێپەر لەدەست داوە و كوژراون، هەروەها دەیان تانك و ئۆتۆمبێلی سەربازی و تۆپخانە و وێستگەی جەنگی ئەلیكترۆنی و كۆگای سووتەمەنی تەقەمەنییان خاپوور كراوە.
وەزارەتی بەرگریی ڕوسیا ڕوونیشی كردووەتەوە، كە سیستمی بەرگریی ئاسمانییان لە ماوەی هەمان ماوەدا واتە هەفتەی ڕابردووا بەرپەرچی پێنج مووشەك لە جۆری نیپتۆن و هاوەنێتی ئەمریكی لە جۆری هیمارس بوونەتەوە، هەروەها نزیكەی هەزار و 120 درۆنیان تێكشكاندووە.
هاوكات لە ڕاگەیەنراوەكەدا جەختی لەوە كردووەتەوە، ئۆپراسیۆنەكانیان بە دوورخستنەوەی هێزەكانی ئۆكرانیا لە هێڵەكانی ڕووبەڕووبوونەوە و بەهێزكردنی كۆنترۆڵیان لەو ناوچانەی كە كۆنترۆڵیان كردووە بەردەوام دەبێت.
لە تۆڕە کۆمەڵایەتیەکان شەیری بکە