15/08/2025
244 جار خوێنراوەتەوە
كۆبوونەوەی لوتكەی نێوان سەرۆكانی ئەمریكا و ڕووسیا ئەمڕۆ بەڕێوەدەچێت
پەیام
ئەمڕۆ كۆبوونەوەی لوتكەی نێوان سەرۆكانی ئەمریكا و ڕووسیا لەسەر جەنگی ئۆكرانیا بەڕێوە دەچێت. ترەمپیش دەڵێت: ئەگەر كۆبوونەوەكە باش نەبێت، خێرا كۆتایی پێ دەهێنم.
لە ویلایەتی ئالاسكای ئەمریكا، دۆناڵد ترەمپ سەرۆكی ئەمریكا و ڤلادیمێر پووتن سەرۆكی ڕووسیا كۆبوونەوەی لوتكە لەسەر دۆسیەی جەنگی ئۆكرانیا بەبێ ئامادەبوونی ڤلۆدیمێر زیلینسكی سەرۆكی وڵاتەكە ئەنجام دەدەن.
لەوبارەیەوە كۆشكی سپی ڕایگەیاندووە كە كۆبوونەوەكە كاتژمێر 11ی بەیانی بەكاتی ناوخۆیی و كاتژمێر حەوتی ئێوارە بەكاتی نێودەوڵەتی، لە بارەگای ئیلمندوروفی ئاسمانی بەڕێوە چێت، كە بارەگایەكی سەربازیی ئەمریكایە لە ئالاسكا و رۆڵی بەرچاو لە چاودێری جموجۆڵەكانی ڕووسیا دەبینێت.
هاوكات یوری ئوشاكۆف ڕاوێكاری سەرۆكایەتی ڕووسیا ڕایگەیاندووە كۆبوونەكە بەشێوەی دوو قۆڵی دەبێت و تەنیا وەرگێڕەكان ئامادەی دەبن.
لای خۆیشیەوە دۆناڵد ترەمپ ڕۆژی ڕابردوو ئەوەی بە میدیاكان وتبوو كە پوتین كاری بێمانا لەگەڵ من ناكات لە چەند خولەكی سەرەتای كۆبوونەوەكەدا دەزانم كە كۆبوونەوەكە باش دەبێت یان خراپ.
وتیشی ئەگەر كۆبوونەوكە خراپ بێت، دەستبەجێ كۆتایی پێ دەهێنم و ئەگەر باشیش بێ، لە داهاتوویەكی نزیكدا كۆتایی بەجەنگ دێت.
لە تۆڕە کۆمەڵایەتیەکان شەیری بکە