18/01/2026
676 جار خوێنراوەتەوە
هەسەدە ژمارەیەک هێرشى لە بەنداوى تشرین تێکشکاند
پەیام
هێزەكانی سووریای دیموكرات (هەسەدە) ڕایگەیاند ژمارەیەك هێرشی هێزەكانی سەر
بە حكومەتی سوریایان لە بەنداوی تشرین تێكشكاندووە، لە بەرانبەردا دێرەزور و بەشێك
لە گوند و شارۆچكەكانی حەسەكە لەلایەن هۆزە عەرەبەكانەوە دەستی بەسەردا گیراوە.
هێزەكانی سووریای دیموكرات لە ڕاگەیەنراوێكدا بڵاویان كردەوە كە سێ هێرشی سەر
بە هێزەكانی دیمەشقیان لە بەنداوی تشرین تێكشكاندووە، هەروەها هەسەدە ڕایگەیاند هەردوو
پردی سەر فوڕاتیان تەقاندووەتەوە كە شارەكە دەبەستێتەوە بە بەشی ڕۆژئاوای فوڕات.
لە بەرانبەردا سوپای سووریا دوای ئەوەی شەوی ڕابردوو شاری تەبقە دەستبەسەردا
گرت، هاوكات بەنداوی فوڕاتان كۆنتڕۆڵ
كردووە، دوا كشانەوەی هێزەكانی هەسەدە.
لەلایەكی دیكەوە سوپای سووریا بە تەواوی پارێزگای دێرەزووری بە هاوكاری هۆزە
عەرەبەكان كۆنتڕۆڵ كردووە لەگەڵ دەستبەسەرداگرتنی كێڵگەی غازی كۆنیكۆ لە دەشتاییەكانی
دێرەزوردا كێڵگەی نەوتی عومەر كە گەورەترین كێڵگەی نەوتە لە سووریا.
لەلایەكی دكەوە بەشێك لە هۆزە عەرەبەكان لە پارێزگای حەسەكەش چەند ناوچەیەكان
دەستبەسەردا گرتووە بەتایبەت ناحیەی شەدادی كە ناوچەیەكی ستراتیژیە لە باشووری حەسەكە.
لە تۆڕە کۆمەڵایەتیەکان شەیری بکە