ئیرلەندا داوای پێكهێنانی هێزێك بۆ گەرەنتیكردنی گەیشتنی هاوكارییەكان بە غـ.ەززە دەكات

پەیام 

سەرۆكی ئێرلەندا داوای پێكهێنانی هێزێكی سەر بە نەتەوە یەكگرتووەكان بۆ دڵنیابوون لە گەیشتنی هاوكارییە مرۆییەكان بە كەرتی غەززەی فەڵەستین دەكات.

مایكڵ دانیال هیگینز لە چاوپێكەوتنێكدا لەگەڵ ڕادیۆی فەرمی ئێرلەندا جەختی لەسەر پێویستی كاراكردنی بەندی حەوتەمی نەتەوە یەكگرتووەكان كردەوە.

ئەم بەندە دەسەڵات بە سكرتێری گشتی نەتەوە یەكگرتووەكان دەدات بە ڕەزامەندی ڕێژەیەكی دیارییكراوی ئەندامان داوای پێكهێنانی هێزێك بكات بۆ دڵنیابوون لە گەیشتنی هاوكارییە مرۆییەكان، تەنانەت ئەگەر ئەنجوومەنی ئاسایشیش بە بەكارهێنانی ڤیتۆ دژایەتی بكات.

هیگینز كۆمەڵكوژی فەڵەستینییەكانی لە كەرتی غەززە لەلایەن قەوارەی زایۆنییەوە بە "قۆناغێكی تراژیدی" لە مێژووی جیهاندا وەسف كرد.

وتیشی: ئێمە لە ساتەوەختێكی نائاساییداین، كە سێ ئەندام لە حكومەتی ئیسرائیل گوێ بە یاسا نێودەوڵەتییەكان نادەن و بە ئاشكرا پێشێلی دەكەن.

سەرۆكی ئێرلەندا كە خۆی بۆ وازهێنان لە پۆستەكەی ئامادە دەكات، جەختی لەوە كردەوە "جیهانی لێپرسینەوەنەكردن" مەترسیدارترین هەڕەشەیە بۆ سەر دیموكراسی.