02/10/2025
311 جار خوێنراوەتەوە
ڕێگا له 13 كهشتی؛ كهشتیگهلی خۆڕاگری كرا و دهستیان بهسهردا گیرا
پەیام
هێزەکانی قهوارهی داگیركهری زایۆنی بە شێوەیەکی نایاسایی دەستیان کرد بە دەستبەسەرداگرتنی کەشتیگەلی جیهانی خۆڕاگری.
هێزەکانی دەریایی قهوارهی داگیركهری زایۆنی بە شێوەیەکی نایاسایی دەستیان کرد بە دەستبەسەرداگرتنی کەشتیگەلی جیهانی خۆڕاگری کە هەڵگری یارمەتییە مرۆییەکانە بەمەبەستی گەیاندن بۆ کەرتی غەززەی گەمارۆدراو.
کەشتیگەلی جیهانی خۆڕاگری لە تۆڕی کۆمەڵایەتی X بڵاوی کردەوە کە کەشتییەکەمان بە شێوەیەکی نایاسایی گەمارۆ درا و کامێراکان کوژێندرایەوە و هێزەکانی سەربازیی هاتنە ناو کەشتییەکە".
ڕاشگەیاندراوە کە هەوڵەکان بۆ زانینی سەلامەتی هەموو سەرنشینەکان لە ئاکامی هێرشەکەدا بەردەوامە.
بەشێک لە سەرنشینەکانی کەشتیگەلی جیهانی خۆڕاگری کە پەیوەندییان لەگەڵ ئاژانسی ئانادۆڵو هەبوو ڕایانگەیاند کە هێزەکانی قهوارهی داگیركهری زایۆنی دەستیان بە دەستبەسەرداگرتنی بەلەم و کەشتییەکانی دیکە سەر بە کاروانەکەیان کردووە.
کەشتیگەکی جیهانی خۆڕاگری کە پێکهاتووە لە نوێنەرانی ڕێکخراوەکانی کۆمەڵگەی مەدەنی، پزیشکان، پارێزەران، ڕۆژنامەنووسان، هونەرمەندان، سیاسەتمەداران و چالاکوانانی ٤٤ وڵاتی جیاواز، ماوەی چەند ڕۆژێکە بەرەو غەززە بەڕێ کەوتوون. چالاکانی ناو ئەو کەشتیگەلانە مەبەستیان گەمارۆکانی سەر غەززە بشکێنن و یارمەتییە مرۆییەکان بە تایبەتی پێداویستی پزیشکی ڕادەستی خەڵکی ناوچەکە بکەن.
لە ئەگەری دەستێوەرنەدانی قهوارهی داگیركهری زایۆنی، ئەوە کاروانەکە سبەی بەیانی دەگاتە غەززە و ئەوەش بە گەورەترین کەشتیگەلی جیهان دادەنرێت کە تا ئێستا بەرەو غەززە بەڕێکەوتبێت.
لە تۆڕە کۆمەڵایەتیەکان شەیری بکە