1 رۆژ پێش ئێستا
286 جار خوێنراوەتەوە
سەرەڕای ئاگربەست، سوپای ئـیسرائیل چەند ناوچەیەكی لە غــ.ەززە تۆپبباران كرد
پەیام
سەرەڕای ئاگربەست، سوپای داگیركەری زایۆنی چەند ناوچەیەكی غەززە تۆپباران دەكات و حەماسیش قەوارەی زایۆنی بەوە تۆمەتبار دەكات، دەیەوێت ئاستەنگ بخاتە بەردەم گەیشتن بە تەرمی دیلەكان.
لە ڕۆژی هەشتەمی ئاگربەستدا و پاش 735 ڕۆژ لە جەنگی كۆمەڵكوژی و برسیكردنی فەلەستینییەكان لە غەززە، تۆپبارانی قەوارەی زایۆنی، ڕۆژهەڵاتی گەڕەكی شوجاعییەی لە شاری غەززە كردە ئامانج.
لەلایەكی دیكەوە، نووسینگەی ڕاگەیاندنی حكومی لە كەرتی غەززە ڕایگەیاند، تاوانی كوشتن و لەسێدارەدانی مەیدانی و ئەشكەنجەدانی سیستماتیكی دژ بە ژمارەیەكی زۆر لە هاووڵاتیان ئەنجام دراوە، هەروەها تەرمی قوربانییەكان لەژێر زریپۆشی تانكەكاندا پان كراونەتەوە.
لەبەرانبەردا بزووتنەوەی حەماس، بنیامین نەتەنیاهوو سەرۆكوەزیرانی قەوارەی زایۆنی تۆمەتبار كرد بە ڕێگریكردن لە هەوڵەكان بۆ گەیشتن بە تەرمی دیلەكان، هەروەها جەختی لە پابەندبوونی خۆی بە ڕێككەوتنەكە و سووربوونی لەسەر ڕادەستكردنی تەواوی تەرمە ماوەكان كردەوە.
پێشتریش تۆڕی "سی ئێن ئێن" لە زاری نەتەنیاهوو باسی لەوە كردبوو، ئەگەر حەماس سەرجەم تەرمەكان ڕادەست نەكات ئەوا دەست بە هێرشەكان دەكەنەوە.
لە تۆڕە کۆمەڵایەتیەکان شەیری بکە