فەرەنسا و بەریتانیا بەنیازن هێزێكی نێودەوڵەتی لە غــ.ەززە بڵاو بكەنەوە

پەیام 

فەرەنسا و بەریتانیا بەنیازن دوای چەكدانانی حەماس، لە چەند ڕۆژی داهاتوودا هێزێكی نێودەوڵەتی لە غەززە بڵاو بكەنەوە.

لە لێدوانێكدا پاسكال كۆن ڤافڕۆ، وتەبێژی وەزارەتی دەرەوەی فەرەنسا ئاماژەی بەوە كردووە، ڕەوانەكردنی هێزێكی لەو جۆرە بۆ غەززە،  پێویستی بە مۆڵەتی نەتەوە یەكگرتووەكانە بۆ ئەوەی جموجۆڵە سەربازییەكە بنەمایەكی یاسایی نێودەوڵەتی هەبێت و ڕێگریی و ناڕەزایی وڵاتانی بەدوادا نەیەت.

باس لەوەش دەكات، فەرەنسا لە نزیكەوە لەگەڵ هاوبەشەكانی وەكو ئەمریكا و وڵاتە هاوپەیمانەكانی دیكە كار بۆ جێبەجێكردنی ئەركێكی نێودەوڵەتی لەم جۆرە دەكات.

دووپاتیشی دەكاتەوە، پلانێكی لەم جۆرە دەبێت لە ڕێگەی پەسەندكردنی بڕیارێك بێت لە ئەنجوومەنی ئاسایشدا بۆ ئەوەی بخرێتە چوارچێوەیەكی یاساییەوە.

پاسكال لەدرێژەی قسەكانیدا ئاماژەی بەوەش كرد، گفتوگۆكان بۆ پێشكەشكردنی پڕۆژە بڕیارێك لەم بارەیەوە هێشتا بەردەوامن، بە تایبەت لەگەڵ ئەمریكییەكان و بەریتانییەكان.