1 رۆژ پێش ئێستا
357 جار خوێنراوەتەوە
توركیا دەیەوێت ماوەی مانەوەی هێزەكانی لە عێراق و سووریا تا 2028 درێژبكاتەوە
پەیام
توركیا دەیەوێت لەڕێی پەرلەمانەوە ماوەی مانەوەی هێزەكانی لە عێراق و سووریا بۆ سێ ساڵی دیكە درێژ بكاتەوە.
لە یاداشتێكدا، سەرۆكایەتیی كۆماری توركیا داوای لە پەرلەمانی وڵاتەكەی كردووە ماوەی مانەوەی هێزەكانی لە عێراق و سووریا بۆ سێ ساڵی دیكە درێژ بكاتەوە.
بەپێی یاداشتەكە، سەرۆكایەتیی كۆماری توركیا دەڵێت: مەترسی تیرۆر لە سنوورەكانمان بەردەوامە و تاوەكوو ئێستا سەقامگیرییەكی درێژخایەن بەدەست نەهاتووە.
هەروەها دەڵێت: توركیا گرنگییەكی زۆر بە پاراستنی یەكپارچەیی خاكی عێراق و دراوسێكانی دەدات، هەروەها بەردەوامبوونی مەترسی داعش لە عێراق هەڕەشەی ڕاستەوخۆ بۆ سەر ئاشتی ناوچەكە و سەقامگیری و ئاسایشی توركیا دروست دەكات.
سەرۆكایەتیی كۆماری توركیا جەختی لەوەش كردووەتەوە، لە ئێستادا حكوومەتی سووریا لە چەندین بواردا پێویستی بە توركیایە و زۆر گرنگە ڕێوشوێنی پێویست بگیرێتە بەر.
لە تۆڕە کۆمەڵایەتیەکان شەیری بکە