2 کاتژمێر پێش ئێستا
117 جار خوێنراوەتەوە
توركیا.. بەهۆی ئاگركەوتنەوەوە لە كۆگایەكدا شەش كەس گیانیانلەدەستدا
پەیام
بە هۆی ئاگركەوتنەوە لە كۆگایەكدا لە باكووری ڕۆژاوای توركیا شەش كەس گیانیانلەدەستدا.
بەپێی ئاژانسەكانی هەواڵ لە توركیاوە "بە هۆی ئاگركەوتنەوە لە كۆگایەكی (بۆن)دا لە ناوچەی دیلۆڤاسی لە پارێزگای كۆجائەلی لە باكووری ڕۆژاوای توركیا، شەش كەس گیانیانلەدەستدا".
سەرچاوەكانی هەواڵ دەڵێن: ئاگرەكە بە هۆكارێكی نادیار لەو كۆگایەی بۆن كەوتووتەوە.
دوای ئاگاداركردنەوەیان، تیمەكانی ئاگركوژێنەوە و فریاكەوتن گەیشتنە شوێنی ڕووداوەكە و ئاگرەكەیان كۆنتڕۆڵ كرد.
لەوبارەوە ئیلهامی ئاكتاش پارێزگاری كۆجائەلی ڕایگەیاند: بە هۆی ئاگرەكەوە شەش كەس گیانیانلەدەستداوە.
جگە لە گیانلەدەستدان كەسێك بەهۆی ئاگرەكەوە بریندار بووە، بەپێی زانیارییەكانیش لە نێو كۆگاكەدا زیاتر لەوەی لە ئامارەكەدا ڕاگەیەنراوە، هەبوون، بۆیە پێدەچێت ژمارەی زیانە گیانییەكان زیاتر بن.
لە تۆڕە کۆمەڵایەتیەکان شەیری بکە