3 کاتژمێر پێش ئێستا
204 جار خوێنراوەتەوە
كۆمسیۆن: ئەنجامی ئەلیكترۆنی و دەستژمێری هاوتا بوون
پەیام
دوای كۆتایی هاتنی دەنگدانی تایبەت، بژاردنی دەستی بۆ دەنگەكان كرا و، كۆمسیۆنی باڵای سەربەخۆی هەڵبژاردنەكان رایگەیاند، پرۆسەی جیاكردنەوەی دەنگدانی تایبەت كۆتاییهاتووە و دەركەوتووە ئەنجامەكان ورد و دروست بوون.
جومانە غەلای وتەبێژی كۆمسیۆنی باڵای سەربەخۆی هەڵبژاردنەكان رایگەیاندووە، پرۆسەی دەستژمێری دەنگدانی تایبەت بە شێوەی ئەلیكترۆنی دەركەوتووە و دواتر بە شێوەی دەستی دەنگەكان ژمێردراونەتەوە و تەواوبوون و ئەنجامەكانی هاوشێوە بوون، كە ئەمەش ئاماژەیە بۆ وردی و دروستی پرۆسەكە.
ئاشكراشیكرد، ئەنجامەكان رادەستی نوێنەرانی لایەنە سیاسییەكانی بەشدار لە هەڵبژاردن كراوە.
بەپێی ڕێكارە پەسەندكراوەكانی كۆمیسیۆنی باڵای سەربەخۆی هەڵبژاردنەكان، لەم هەڵبژاردنەدا جگە لە ژماردنی دەنگەكان بەشێوەی ئەلیكترۆنی، لەگەڵ ئەوەشدا دەنگەكان بەشێوەی دەستژمێری جیادەكرێنەوە و لەگەڵ ئەنجامە ئەلیكترۆنییەكان هاوتا دەكرێن.
لە تۆڕە کۆمەڵایەتیەکان شەیری بکە