01/12/2025
505 جار خوێنراوەتەوە
لە عێراق دابەشكردنی موچەی مانگی 12 بە زیادکراوى دەستیپێکرد
پەیام
ئەمڕۆ 1ى 12ى 2025 دابەشكردنی موچەی مانگی (كانونی یەكەم/12)ى خانەنیشنان لە عێراق دەستیپێكرد و بانكی ڕەشیدیش ڕایدەگەیەنێت كە موچەی خانەنشینانی مەدەنی و سەربازی زیادکراوە، لە هەرێمیش هێشتا چارەنووسى سێ مووچە نادیارە.
بانکی ڕەشید، لە ڕاگەیەندراوێكدا بڵاویكردەوە، ئەمڕۆ دابەشكردنی موچەی خانەنیشیان لە سەرتاسەری عێراق دەستپێدەكات و موچەی خانەنشینانی مەدەنی و سەربازی بۆ مانگی (کانونی یەکەم/12) زیادکراوە.
بەگوێرەی ڕاگەیەندراوەکە، بانکەکە داوای لە "سەرجەم سودمەندەکان کردووە سەردانی لقەکانی بانکەکە و ناوەندەکانی پارەدانی ئەلیکترۆنی بکەن بۆ وەرگرتنی موچەكەكانیان".
دابەشكردنی موچەی مانگی (كانونی یەكەم/12)ـی عێراق لە كاتێكدایە كە دوێنی یەكشەممە دابەشكردنی موچەی مانگی (ئەیلول/9) لە هەرێمی كوردستان دەستیپێكرد و تاكو ئێستا چارەنوسی سێ موچەكەی دیكەی کۆتایی ئەمساڵ نادیارە.
لە تۆڕە کۆمەڵایەتیەکان شەیری بکە