2 کاتژمێر پێش ئێستا
132 جار خوێنراوەتەوە
جێگرەوەكانی پارساڵی حەج بۆ ساڵی داهاتوو وەك دەرچوو هەژمار دەكرێن
پەیام
ناوی جێگرەوەكانی پارساڵی حەج وەك دەرچووی فەرمی ساڵی داهاتوو هەژمار كران
كاروان ستونی، وتەبێژی حەج و عومرەی كوردستان ڕایگەیاند، بە فەرمانی وەزیری ئەوقاف، ئەو هاوڵاتییانەی پارساڵ ناویان وەك جێگرەوە یان یەدەگ گەڕاوەتەوە، بۆ ساڵی داهاتوو وەك دەرچووی فەرمی هەژمار دەكرێن.
ئاماژەی بەوەش كرد، ئەم بڕیارە لە بەرژەوەندی هاوڵاتییانە و پێویست ناكات جارێكی دیكە ناوی خۆیان تۆمار بكەنەوە. بەپێی بڕیارەكە، ئەم كەسانە لە ساڵی 2027 بەشداری پڕۆسەی حەج دەكەن.
هەروەها ڕایگەیاند، لە ماوەیەكی نزیكدا دەست بە ڕێكارەكان و مامەڵەی ئەو كەسانە دەكرێت كە ناویان لە یەدەگدا هەبووە، بۆیە داوای كرد كەس ناوی خۆی نوێ نەكاتەوە.
ساڵى 2026 پشکی هەرێمی کوردستان بۆ حەج پێنج هەزار و 120 کەس بوو، بڕیارە بۆ ساڵى 2027یش هەمان ژمارە هەڵبژێردرێن.
لە تۆڕە کۆمەڵایەتیەکان شەیری بکە