04/12/2025
649 جار خوێنراوەتەوە
یاسر ئەبو شەباب، فەرماندەی مەترسیدارترین میلیشیای كەرتی غەززە كوژرا
پەیام
یاسر ئەبو شەباب، فەرماندەی میلیشیای چەكدار لە غەززە
كوژرا.
ڕادیۆی سوپای زایۆنی بڵاوی كردەوە، یاسر ئەبو شەباب لەسەر
دەستی چەكدارانی نەناسراو لە رۆژهەڵاتی رەفەح لە كەرتی غەززە كوژراوە. بەڵام ڕادیۆكە
پێشبینیی كردووە یاسر ئەبو شەباب لەسەر دەستی یەكێك لە پیاوەكانی كوژرابێت.
سەرچاوەیەك بە ڕادیۆی زایۆنیی ڕاگەیاندووە، كوژرانی ئەبو
شەباب پێشهاتێكی خراپە بۆ ئیسرائیل.
هاوكات كەناڵی 12ی ئیسرایلی باسی لەوە كردووە فەرماندەی
گرووپە چەتەییەكەی غەززە بریندار كراوە و گەیەنراوەتە نەخۆشخانەی سوروكا لە سنووری
قەوارەی زایۆنی، بەڵام بەهۆی برینەكەیەوە گیانی لەدەست داوە.
یاسر ئەبو شەباب فەرماندەی گروپێكی میلیشیایی و چەتەیی
بوو لە كەرتی غەززە، پەیوەندیی لەگەڵ قەوارەی زایۆنی پتەو بوو و لە سنووری رەفەح دەسەڵاتدار
بوو. لەكاتی جەنگی سەر غەززەدا تۆمەتبار بوو بە كوشتنی خەڵك و تاڵانكردنی هاوكارییەكان
و سیخوڕیكردن بەسەر چەكدارانی حەماس و قەسسامەوە. هەر بەو هۆیەشەوە لەلای حكومەتی
غەززە قاچاخ بووە.
میدیای زایۆنی باسی لەوەش كردووە، بزووتنەوەی بەرەنگاری
ئیسلامی "حەماس" زانیاریی هەواڵگریی لەسەر شوێنی مانەوە و خۆحەشاردانی یاسر
ئەبوشەباب كۆكردووەتەوە و لەسەر دەستی چەكدارانی حەماسیش كۆتایی بە ژیانی هاتووە.
لە تۆڕە کۆمەڵایەتیەکان شەیری بکە