1 کاتژمێر پێش ئێستا
471 جار خوێنراوەتەوە
ئێران: لەو هێرشانەى کراوەتە سەر وڵاتەکەمان 555 كەس گیانیانلەدەستداوە
پەیام
لە شاری سنە دوو كەس لە بۆردوماندا بوونە قوربانی، مانگی سووری ئێرانیش دەڵێت: تا ئێستا 555 كەس لە هێرشەكانی ئەمریكا و قەوارەی زایۆنیدا كوژراون.
بەپێی هەواڵێكی ئاژانسی هەواڵی تەسنییم، مەجید فەرشی، بەڕێوەبەری گشتی بەڕێوەبردنی كارەساتەكانی پارێزگای ئازەربایجانی ڕۆژهەڵات، ڕایگەیاند: "لە ماوەی دوو ڕۆژی ڕابردوودا، لەو هێرشانەی كراونەتە سەر چەند خاڵێكی جیاواز لە قەزاكانی تەورێز، سەراب، مەراغە و شەبێستەر 27 كەسی مەدەنی گیانیان لەدەستداوە.
لە لایەكی دیكەوە، ئەمڕۆ لە شەش خاڵەوە بۆردومانی شاری سنە، ناوەندی پارێزگای كوردستان كرا، بە هۆیەوە دوو كەس بوونە قوربانی.
هەروەها مانگی سووری ئێرانی بڵاویكردەوە: لە هێرشەكانی ئەمریكا و قەوارەی زایۆنیدا، هێرش كراوەتە سەر 131 ناوچەی نیشتەجێبوون، بەو هۆیەشەوە 555 كەس گیانیان لەدەستداوە".
هیچ زانیارییەك لە ڕاگەیاندراوەكەدا سەبارەت بە ژمارەی بریندارەكان بڵاونەكراوەتەوە. بەڵام سەرچاوە خۆجێییەكان باسیان لەوە كردووە، هەزاران كەس بریندار بوون.
جێی باسە قەوارەی زایۆنی و ئەمریكا ڕۆژی 28ی شوبات، لە كاتی دانوستانەكاندا هێرشیان كردە سەر ئێران و ڕێبەری وڵاتەكە، بەو هۆیەشەوە عەلی خامنەیی و چەندین بەرپرسی باڵایان كوشت.
ئێرانیش بە هێرشكردنە سەر قەوارەی زایۆنی و بنكەكانی ئەمریكا لە قەتەر، ئیمارات و بەحرێن وەڵامی هێرشەكانی دایەوە.
لە تۆڕە کۆمەڵایەتیەکان شەیری بکە