60 خولەک پێش ئێستا
39 جار خوێنراوەتەوە
واشنتن داوا لە ئەمریكییەكان دەكات سەردانی عێراق نەكەن چونكە پارێزراو نابن
پەیام
ئەمریكا هۆشداری دەداتە هاووڵاتییەكانی لە ئەگەری ڕوودانی هێرشكردنە سەریان لە عێراق و داوایان لێ دەكات سەردانی ئەو وڵاتە نەكەن و دەشڵێت: حكوومەتی عێراق ناتوانێت بتانپارێزێت.
لە ڕاگەیەنراوێكدا، وەزارەتی دەرەوەی ئەمریكا هۆشداریی دا لە ئەگەری هێرشكردنە سەر هاووڵاتیانی لە عێراق و ئامۆژگاری هاووڵاتیانی ئەمریكای كرد بە هەر هۆیەكەوە بێت گەشت بۆ عێراق نەكەن.
لە ڕاگەیەنراوەكەدا هاتووە: حكومەتی عێراق توانای دابینكردنی سەلامەتی هاووڵاتیانی ئەمریكای نییە لەكاتێكدا كردەوەی توندوتیژی، یاخود ململانێی چەكداری بەشێوەیەكی كتوپڕ سەرهەڵ بدات.
وەزارەتی دەرەوەی ئەمریكا ڕایشیگەیاندووە كە گرووپە چەكدارەكان وەك هەڕەشەیەكن بۆ سەر ئەمریكییەكان و كۆمپانیا نێودەوڵەتییەكان.
وەزارەتی دەرەوەی ئەمریكا بە مەرجی گرتووە بەهۆی هەڕەشە مەترسیدارەكان فەرمانبەرانی حكوومی ئەمریكی لە عێراق دەبێت بەپێی پڕۆتۆكۆلی ئەمنی توند كار بكەن و بژین.
هۆشدارییشی لە بەرزبوونەوەی ئاستی مەترسی توندوتیژی و ڕفاندن دا كە بەپێی ڕاگەیەنراوەكەی وەزارەتی دەرەوە "ڕووبەڕووی هاووڵاتیانی ئەمریكا لە عێراق دەبێتەوە".
لە تۆڕە کۆمەڵایەتیەکان شەیری بکە