فەرەنسا.. شەپۆلێكی نوێی ناڕەزایەتییەكان دژی گرانیی بژێوی دەستی پێكردەوە

پەیام

شەپۆلێكی نوێی ناڕەزایەتییەكان دژی گرانیی بژێوی لە فەرەنسا دەستی پێكردەوە و هێزە ئەمنییەكان گازی فرمێسكڕێژیان بەكار هێنا.

بەپێی ئاژانسی فرانس پرێس، پۆلیسی فەرەنسا لە شاری لیۆن گازی فرمێسكڕێژی دژی 150 خۆپیشاندەر بەكارهێنا كە هەوڵی داخستنی ڕێگایان دەدا، ئەمەش هاوكاتە لەگەڵ دەستپێكردنی شەپۆلێكی نوێی ناڕەزایەتییەكان دژی گرانیی بژێوی و خراپیی بارودۆخی خوێندنگەكان. 

بۆ ڕێگری لە دووبارەبوونەوەی توندوتیژی و تاڵانكاری، وەزارەتی ناوخۆ 70 هەزار پۆلیسی لە سەرتاسەری وڵات بڵاو كردووەتەوە. 

لای خۆیەوە لۆران نۆنیێز، وەزیری ناوخۆ هۆشداری دا لەوەی ئەو بە هەوڵی ئاژاوەگێڕان ناوی برد و ڕایگەیاند: خۆپیشاندانی بزووتنەوەی "هێلەك زەردەكان" و خوێندكاران لە ناوەندە حكومییەكان قەدەغەیە، بەڵام مۆڵەت بە ڕێپێوانێكی سەندیكایی لە شوێنە گشتییەكاندا دراوە. 

هاوكات قەدەغەی هاتووچۆ لە ناوچە هەستیارەكانی پاریس، لیۆن و مارسیلیا بەردەوامە، بەتایبەت دوای ئەوەی لە ئاڵۆزییەكانی هەفتەی ڕابردوودا دوو هەزار و 400 كەس دەستگیر كران و نزیكەی هەزار پۆلیسیش بریندار بوون. 

لەلایەكی دیكەوە و لەترسی تاڵانكردن، فرۆشگاكانی كەلوپەلە گرانبەهاكان و براندە جیهانییەكان ڕێوشوێنی ئەمنییان توند كردووەتەوە و شووشەی دوكانەكانیان بە تەختە داپۆشیوە و پاسەوانی زیاتریان داناوە، ژمارەیەك بازاڕیش بڕیاریان دا دەرگاكانیان بە داخراوی بهێڵنەوە.