06/12/2025
456 جار خوێنراوەتەوە
وەزیری دەرەوەی توركیا: لەچەكداماڵینی حـ.ەمـ.مـ.اس لە ئێستا لە پێشینەی كارەكان نییە
پەیام
هەر لەو بارەیەوە وەزیری دەرەوەی توركیا دەڵێت: چەكداماڵینی حەماس لە ئێستا لە پێشینەی كارەكان نییە.
لە میانی كۆڕبەندی (دەوحە 2025)، هاكان فیدان وەزیری دەرەوەی توركیا تیشكی خستە سەر پڕۆسەی سیاسی لە كەرتی غەززە و ئاماژەی بەوە كرد: پرسی لەچەكداماڵینی حەماس لە ئێستا لە پێشینی كارەكان نییە و هەنگاوی یەكەم نابێت ئەوە بێت، بەڵكو پێویستە لەسەرمان واقیعی بین و كارەكان لە ڕێڕەوی ڕاست و یاسایی خۆی دابنێینەوە.
وەزیری دەرەوەی توركیا وتیشی: ئەنقەرە لە هەوڵەكانی بۆ فراوانكردنی گرەنتیكردنی جێبەجێكردنی پلانی ئاشتی لە كەرتی غەززە بە خێراترین كاتی گونجاو و كۆتاییهێنان بە كارەسات و خراپتربوونی دۆخی كەرتەكە بەدەوام دەبێت.
فیدان ئاماژەی بە بوونی هەوڵی گەورە لە بواری مرۆیی و دیبلۆماسی بۆ ڕاوەستانی جەنگ و جێبەجێكردنی پلانی ئاشتی كرد و جەختیشی لە بەردەوامی هەماهەنگی هاوبەشەكانی ناوچەكە لەگەڵ ئەمریكا و ئەورووپا بۆ گرەنتیكردنی جێبەجێكردنی ڕێككەوتنەكە و بەرەوپێش چوون كردەوە.
لە تۆڕە کۆمەڵایەتیەکان شەیری بکە