بافڵ تاڵەبانی: سەرۆك تڕەمپ بەرچاوڕوونی دا لەبارەی ئامانجەكانی ئەمریكا لەم جەنگەدا

پەیام

بافڵ تاڵەبانی لەبارەی پەیوەندییە تەلەفۆنییەكەی لەگەڵ سەرۆكی ئەمریكا دەربارەی شەڕی ئێران، ‏ڕایدەگەیەنێت "سەرۆك تڕەمپ بەرچاوڕوونی دا لەبارەی ئامانجەكانی لەم جەنگەدا".‏ سەرۆكی یەكێتی ڕوونكردنەوەی زیاتری نەداوە.

پاش ئاشكراكردنی پەیوەندیی تەلەفۆنیی سەرۆكی ئەمریكا لەگەڵ هەریەك لە مەسعوود بارزانی، سەرۆكی پارتی و بافڵ تاڵەبانی، سەرۆكی یەكێتی لەلایەن میدیای ئەمریكییەوە، ئەمڕۆ سەرۆكی یەكێتی لە كۆبوونەوەی مەكتەبی سیاسیی حیزبەكەیدا ڕوونكردنەوەی لەبارەی ناوەرۆكی پەیوەندییەكەوە داوە.

بافڵ تاڵەبانی دەربارەی مەلەفی عێراقیش وتوویەتی "سەرۆكی ئەمریكا دەرفەتێكی پێشكەش كردووە بۆ تێگەیشتن لە ‏ئامانجەكانی ئەمریكا و، گفتوگۆكردن لەسەر پشتگیریی هاوبەش، بۆ بنیاتنانی هاوبەشییەكی بەهێز ‏لەنێوان ئەمریكا و عێراق".‏