08/12/2025
179 جار خوێنراوەتەوە
غــ.ەززە.. لەدوای كوژرانی ئەبو شەباب، چەكدارانی میلیشیاكان خۆیان ڕادەست دەكەنەوە
پەیام
لەدوای كوژرانی یاسر ئەبو شەباب، چەكدارانی سەر بە میلیشیاكانی غەززە بەلێشاو خۆیان ڕادەستی حكومەتی حەماس دەكەن.
دەستەی پەخشی ئیسرائیلی بڵاوی كردووەتەوە، ئەو چەكدارانەی سەر میلیشیا و گرووپە عەشایەری و مافیاكانی غەززەن، كە لە ڕابردوودا دژی بزووتنەوەی بەرەنگاری ئیسلامی "حەماس" بوون، لە 48 كاتژمێری ڕابردوودا دەستیان كردووە بە خۆڕادەستكردنەوە بە دەزگای ئاسایشی سەر بە حەماس لە كەرتی غەززە.
سەرچاوەكان ئاشكرایان كردووە، دیارترین میلیشیاكانی غەززە كە لە خانیونس و رەفەحن و لەلایەن قەوارەی زایۆنییەوە پاڵپشتیی ئاشكرا دەكرێت، بە شێوازی خوازیارانە خۆیان ڕادەست دەكەنەوە.
هاوكات بەرپرسێكی وەزارەتی ناوخۆی غەززە بە كەناڵی جەزیرەی ڕاگەیاندووە، ئەو چەكدارانەی گرووپە میلیشیاكان كە خۆیان ڕادەست كردووەتەوە، دۆسیەی تایبەتیان بۆ دەكرێتەوە و لە چوارچێوەی یاسادا مامەڵەیان لەگەڵ دەكرێت.
هەروەها پێگەی قودس پرێس بڵاوی كردووەتەوە، خۆڕادەستكردنەوەی ئەو چەكدارانە دوای ئەوە هات كە حكومەتی حەماس بۆ ماوەی 10 ڕۆژ دەرگای لێخۆشبوونی كردەوە.
خۆڕادەستكردنەوەی ئەندامی گرووپە میلیشیاییەكان دوای ئەوە دێت، كە یاسر ئەبو شەباب، دیارترین كەسایەتیی ئەو گرووپانە و سەرپەرشتیاری میلیشیای چەكدار لە رەفەح، لەلایەن حەماسەوە كوژرا.
لە تۆڕە کۆمەڵایەتیەکان شەیری بکە