1 کاتژمێر پێش ئێستا
85 جار خوێنراوەتەوە
ترەمپ داوا دەكات سنوورداركردنی خێرایی ستارلینك لەسەر ئۆكرانیا ڕابگیرێت
پەیام
سەرۆكی ئەمریكا، بەڕێوەبەری جێبەجێكاری كۆمپانیای سپەیس ئێكسی ڕاسپاردووە كۆتوبەندی سەر خێرایی و بەكارهێنانی سەربازیی تۆڕی ستارلینك لە ئۆكرانیا، هەڵبگرێت، دوابەدوای ئەو پەیوەندییەش كاركردنی سیستمەكە ئاسایی بووەتەوە.
ڕۆژنامەی وۆڵ ستریت جۆرناڵ لە بەرپرسانی ئەمریكی و ئۆكرانیەوە گواستیەوە كە دۆناڵد ترەمپ سەرۆكی ئەمریكا ڕۆژی پێنجشەممە پەیوەندی بە ئیلۆن ماسك بەڕێوەبەری جێبەجێكاری كۆمپانیای سپەیس ئێكسەوە كردووە و نیگەرانی و نائومێدیی خۆی لەبارەی سنوورداركردنی خێرایی سیستمی ستارلینك بۆ نزیكەی 100 میل لە ئۆكرانیا دەربڕیوە، چونكە ترەمپ ڕایگەیاندووە "ئەم سنورداركردنە كاریگەریی فڕۆكە بێفڕۆكەوانە هێرشبەرەكانی ئۆكرانیای لە بەرانبەر هێرشەكانی ڕووسیا كەم كردووەتەوە".
هەر ئەو سەرچاوەیە ڕایگەیاند: دوای پەیوەندییەكەی ترەمپ بە ماسكەوە، خزمەتگوزارییەكەی ستارلینك گەڕاوەتەوە دۆخی ئاسایی خۆی.
لای خۆیەوە و پێشتر "جەی دی ڤانس" جێگری سەرۆكی ئەمریكا، بڕیارەكەی "ئیلۆن مەسك" ی لە كەمكردنەوەی خێرایی تۆڕیی ستارلینك بە "تێگەیشتووانە" ناو برد، بەو پێیەی كۆمپانیاكە نایەوێت بێ ئاڕاستەكردن و ڕێنماییەكی فەڕمی لەلایەن حكوومەتی ئەمریكاوە خۆی بخاتە نێو جەنگەكەوە.
ئەمەو تائێستا هیچكام لە كۆشكی سپی و كۆمپانیای سپەیس ئێكس هیچ لێدوانێكی فەرمییان لەسەر هەواڵەكەی ڕۆژنامە ئەمریكییەكە نەداوە.
لە تۆڕە کۆمەڵایەتیەکان شەیری بکە