2 کاتژمێر پێش ئێستا
153 جار خوێنراوەتەوە
بەهۆی ڕاوەستانی هەناردەی غازی ئێران بۆ عێراق بەرهەمهێنانی كارەبا کەمیکردووە
پەیام
وتەبێژی وەزارەتی كارەبای عێرق ڕایگەیاند: بەهۆی ڕاوەستانی هەناردەی غازی ئێرانەوە بۆ عێراق، بەرهەمهێنانی كارەبا نزیكەی 18 هەزار مێگاوات كەمی كردووە و ئەمەش كێشەی گەورە بۆ دروست كردوون.
ئەحمەد مووسا ڕاشیگەیاند: تا ئێستا نازانرێت كەی هەناردەی غازی ئێران بۆ عێراق دەستپێدەكاتەوە، بۆ چارەسەری كورتهێنان داوا لە وەزارەتی نەوت كراوە، كە سووتەمەنی دابین بكات بەڵام هەندێك وێستگە هەن تەنیا بە غازی سرووشتی كار دەكەن، ئەو وێستگانە لە كاركردن ڕاوەستاون.
وتەبێژی وەزارەتی كارەبا ڕاشیگەیاندووە: كێشەیەكی تەكنیكی لە كێڵگەی كۆرمۆریش دروستبووە، بۆیە بڕی كارەبای هەناردەكراو لە هەرێمی كوردستانەوە بۆ عێراق نزیكەی 800 مێگاوات كەمی كردووە.
لە تۆڕە کۆمەڵایەتیەکان شەیری بکە