2 کاتژمێر پێش ئێستا
165 جار خوێنراوەتەوە
گرووپە چەكدارەكانی عێراق نۆ مەرج بۆ دانوستان لەگەڵ حكومەت و ئەمریكا دیاری دەكەن
پەیام
لە بەرانبەر دانانی چەكەكانیان، گرووپە چەكدارەكانی عێراق نۆ مەرج بۆ دانوستان لەگەڵ حكومەت و ئەمریكا دیاری دەكەن.
گرووپە چەكدارەكانی عێراق نۆ مەرجی سەرەكییان وەك چوارچێوەیەكی دانوستان بۆ مامەڵەكردن لەگەڵ حكومەت و هێوركردنەوەی گرژییەكان لەگەڵ ویلایەتە یەكگرتووەكانی ئەمریكا سەبارەت بە دۆسیەی چەك و كەمكردنەوەی پێكدادانەكانی نێوانیان دیاری كردووە.
بەپێی سەرچاوە نزیكەكان، داواكارییەكانی ئەم گرووپانە جەخت لەسەر گەرەنتییەكی ڕوون دەكەنەوە بۆ زامنكردنی بەشدارییە سیاسییەكانیان و نەكردنە ئامانجی سەركردەكانیان، لەگەڵ هێشتنەوەی ڕۆڵیان لە گۆڕەپانی ئەمنی و نیشتمانیدا، بە مەرجێك ئەم لێكتێگەیشتنانە نەبنە هۆكارێك بۆ لاوازكردنی ئەو دەستكەوتانەی لە ساڵی 2014وە بەدەستیان هێناوە.
مەرجە پێشنیاركراوەكان ئەمانە لەخۆدەگرن: لابردنی ناوی سەركردە دیارەكان لە لیستی تیرۆر و سزاكانی ئەمریكا كە بوونەتە هۆی بەرتەسككردنەوەی جووڵە و بەرژەوەندییە ئابووری و سیاسییەكانیان، دانانی خشتەیەكی كاتی ڕێكخراو بۆ كشانەوەی هێزە بیانییەكان، و زامنكردنی دوورنەخستنەوەی ئەو كەسایەتییانەی لەوانەوە نزیكن لە پۆستە حكومییە هەستیارەكان.
ئەم گرووپانە جەخت لەوەش دەكەنەوە كە هەر لێكتێگەیشتنێك بە واتای ئاساییكردنەوەی تەواوەتی پەیوەندییەكان لەگەڵ واشنتن نییە، بەڵكو تەنها ڕێككارییەكە بۆ پاراستنی بەرژەوەندییە نیشتمانی و ئەمنییەكانیان، هەروەها هەر گۆڕانكارییەك لە هەڵوێستیاندا بەستراوەتەوە بە دانوستانێكی گشتگیری ناوچەییەوە.
چاوەڕێ دەكرێت ئەم پڕۆژە نوێیە دوای ئەنجامدانی دانوستانی زیاتر، بە فەرمی ڕابگەیەنرێت.
لە تۆڕە کۆمەڵایەتیەکان شەیری بکە