2 کاتژمێر پێش ئێستا
151 جار خوێنراوەتەوە
غـ.ەززە.. بەڕێوەبەری لێكۆڵینەوەی پۆلیس لە (خان یونس) تیرۆركرا
پەیام
وەزارەتی ناوخۆی كەرتی غەززە ڕایگەیاند، بەڕێوەبەری لێكۆڵینەوەی پۆلیس لە خان یونس تیرۆر كراوە.
سەرلەبەیانیی ئەمڕۆ وەزارەتی ناوخۆی غەززە ڕایگەیاندووە، موقەدەم مەحموود ئەلئەستەڵ كە تەمەنی 40 ساڵ بوو و بەڕێوەبەری لێكۆڵینەوەی پۆلیس بوو لە خان یونس، لەناو ئۆتۆمبێلەوە دەستڕێژی گوللەی لێ كراوە و بەو هۆیەوە شەهید بووە.
ڕاشیگەیاندووە: ئەو بەرپرسەی پۆلیس لەسەر دەستی بەكرێگیراوانی داگیركەر تیرۆركراوە، دوای تەقەكردنەكەش بكوژان هەڵاتوون. لە ئێستادا دەزگا ئەمنییەكانی غەززە دۆسیەی لێكۆڵینەوەیان كردووەتەوە و بەدواداچوون دەكەن.
جێی باسە مانگی ڕابردووش ئەفسەرێكی دیكەی وەزارەتی ناوخۆی غەززە بە ناوی "ئەحمەد زەمزەم" تیرۆر كرا. هەر ئەوكاتیش وەزارەتەكە ڕایگەیاند بكوژان بەكرێگیراوی قەوارەی زایۆنی بوون.
لە تۆڕە کۆمەڵایەتیەکان شەیری بکە