1 کاتژمێر پێش ئێستا
81 جار خوێنراوەتەوە
شاندی دانوستانکاری ڕووسیا بۆ گفتوگۆ لەگەڵ ئۆکرانیا گەیشتە جنێف
پهیام
شاندێکی ڕووسیا بۆ گفتوگۆ لەگەڵ ئۆکرانیا بە نێوەندگیری ئەمریکا گەیشتە جنێف، دۆناڵد تڕەمپ سەرۆکی ئەمریکاش داوا لە کیێڤ دەکات نەرمی زیاتر بنوێنێت.
ئاژانسی سپۆتینگی ڕووسی ڕایگەیاند شاندی دانوستانکاری ڕووسیا بە سەرۆکایەتی ڤلادیمێر میدینێسکی گەیشتووەتە جنێف کە بڕیارە دانوستانەکانی بە ئامادە بوونی نوێنەری ئۆکرانیا و نێوەندگیری ئەمریکا هەردوو ڕۆژی 17 و 18ی مانگ بەردەوام بێت.
سەبارەت بە گفتوگۆکانی نێوان ئۆکرانیا و ڕووسیا، دۆناڵد تڕەمپ سەرۆکی ئەمریکا داوایکرد هەردوولا بە جدی بەشداری لە دانوستانەکاندا بکەن و بگەن بە ڕێککەوتن، وتیشی: پێویستە لەسەر ئۆکرانیا پەلە بکات بۆ هاتنە سەر مێزی گفتوگۆ و نەرمی زیاتر بنوێنێت.
بەڕێوە چوونی ئەم گەڕەی دانوستان لە جنێف لە کاتێکدایە کە دوو گەڕی پێشوو لە ئەبوزەبی ئیمارات هیچ ئەنجامێکیان لێ نەکەوتووەتەوە سەرەڕای ئەوەی جەخت کرایەوە کە گفتوگۆکان بەرهەمدار بوون، بەڵام هێشتا جیاوازیەکی زۆر لە نێوانیاندا هەیە.
لە تۆڕە کۆمەڵایەتیەکان شەیری بکە