2 کاتژمێر پێش ئێستا
122 جار خوێنراوەتەوە
ئێران لێدوانەکەى ترەمپ لەبارەى زۆرى ژمارەى کوژراوانى خۆپیشاندانەکان ڕەتدەکاتەوە
پەیام
سەرۆكی ئەمریكا لە لێدوانێکیدا ژمارەى کوژراوانى خۆپیشاندانەکانى ئەمدواییەى ئێرانى بە ٣٢ هەزار کەس ڕاگەیاند و وەزیری دەرەوەی ئێرانیش بە سیاسییكردنی ژمارەكان خزمەتی ڕاستی ناكات.
دۆناڵد ترەمپ سەرۆكی ئەمریكا لە كۆنگرەیەكی ڕۆژنامەوانییدا و لە وەڵامی پرسیارێكدا لەبارەی دانوستانە ئەتۆمییەكان لەگەڵ كۆماری ئیسلامیی ئێران، وتی: باشترە بۆیان لەپێناو ڕێككەوتنێكی دادپەروەرانە دانوستان بكەن.
وتیشی: جیاكاری دەكەین لەنێوان گەلی ئێران و سەركردایەتییەكەی، ئەوە دوو شتی تەواو جیاوازن.
سەرۆكی ئەمریكا لەبارەی قوربانییانی خۆپیشاندانەكانی ئەمدواییەی ئێرانیشەوە ڕایگەیاند كە 32 هەزار كەس لە خۆپیشاندانەكانی ئێران گیانیان لەدەست داوە.
لای خۆیەوە، عەباس عەراقچی وەزیری دەرەوەی ئێران وەڵامی لێدوانەكەی سەرۆكی ئەمریكای لەبارەی ژمارەی كوژراوانی خۆپیشاندانەكان دایەوە و جەختی كردەوە وڵاتەكەی پابەند بووە بە شەفافییەت لە ڕاگەیاندنی ژمارەی قوربانییان كە سێ هەزار و 117 كەسن.
عەراقچی وتیشی: ئەگەر هەر كەسێك گومانی لەو ژمارانە هەیە دەبێت بەڵگە پێشكەش بكات لەبری تۆمەتباركردن، بەسیاسییكردنی ژمارەكانیش خزمەتی ڕاستی ناكات.
لە تۆڕە کۆمەڵایەتیەکان شەیری بکە