2 کاتژمێر پێش ئێستا
56 جار خوێنراوەتەوە
سەرۆكی ئەمریكا بەنیازە باجی گومرگی زیاتر بەسەر كاڵای وڵاتان بسەپێنێت
پەیام
دوابەدوای شكستهێنانی لە بەرانبەر دادگای باڵای وڵاتەكەی، سەرۆكی ئەمریكا باجی گومرگی زیاتر بەسەر سەرجەم وڵاتانی جیهاندا دەسەپێنێت.
لە دوای دەرچوونی بڕیاری دادگای باڵای ئەمریكا بۆ ڕەتكردنەوەی سەپاندنی باجی گومرگی گشتگیر بەسەر كاڵا هاوردەكراوەكان، دۆناڵد ترەمپ سەرۆكی ئەمریكا لە كۆنگرەیەكی ڕۆژنامەوانیدا بڕیارەكەی دادگای بە "بێ هیوایی" ناوبرد و ڕایگەیاند: بەرانبەر هەندێك لە ئەندامانی ئەو دادگایە هەست بە شەرمەزاری دەكات.
سەرۆكی ئەمریكا جەختی كردەوە لەسەر گرنگی مەسەلەی باجی گومرگی و وتی: بڕیارێك واژۆ دەكات بۆ سەپاندنی باجی گومرگی نێودەوڵەتی بە ڕێژەی لە 10%، جگە لەو باجی گومرگییانەی ئێستا جێبەجێ دەكرێن و لێكۆڵینەوەی جیاواز دەكەن بۆ پاراستنی وڵاتەكەیان لە هەندێك ڕەفتاری بازرگانی نادادپەروەری وڵاتان و كۆمپانیاكان.
ترەمپ وتیشی: وڵاتانی بیانی كە چەندین ساڵە وڵاتەكەمان تاڵان دەكەن زۆر خۆشحاڵن و ئاهەنگ دەگێڕن، بەڵام هەمووان دڵنیا دەكەینەوە لەوەی ئاهەنگێڕانەكەیان زۆر درێژە ناكێشێت.
لە تۆڕە کۆمەڵایەتیەکان شەیری بکە