2 کاتژمێر پێش ئێستا
116 جار خوێنراوەتەوە
سووریا ڕێكاری پێدانی ڕەگەزنامە بۆ ئەو كوردانەى لێى بێبەشبوون دەستپێدەكات
پەیام
سووریا ڕێكارەكانی پێدانی ڕەگەزنامەی بەو كوردانەی لێی بێبەشبوون ڕاگەیاند، ئەمەش دوای مەڕسوومێكی سەرۆكایەتی بۆ چەسپاندنی مافی هاوڵاتیبوون و یەكسانی و پێكەوەژیانی پێكهاتەكان دێت.
وەزارەتی ناوخۆی سووریا، ڕێنماییەكانی جێبەجێكردنی مەڕسوومی سەرۆكایەتی ژمارە 13ی بڵاوكردەوە كە تایبەتە بە بەخشینی ڕەگەزنامەی سووری بەو كوردانەی پێشتر لێی بێبەش كرابوون و ڕایگەیاند: ئەم بڕیارە لە چوارچێوەی بنەما دەستوورییەكانە بۆ چەسپاندنی یەكسانی، سەقامگیری كۆمەڵایەتی و یەكگرتنی نیشتمانی.
بە گوێرەی بڕیارەكە "ئەو كەسانەی ڕەگەزنامە دەیانگرێتەوە دەتوانن بە شێوەی تاكەكەسی، یان لەگەڵ خێزانەكانیاندا داواكاری پێشكەش بكەن. بۆ ئەم مەبەستەش وەزارەت لە پێنج پارێزگای وەك (دیمەشق، حەلەب، ڕەققە، دێرەزوور و حەسەكە) سەنتەری تایبەتی بۆ پێشوازی لە داواكارییەكان كردووەتەوە".
لە 28ی مانگی یەكی ئەمساڵیش وەزارەتی ناوخۆی سووریا فەرمانگەی گشتی كاروباری مەدەنی بۆ ئامادەكردنی ڕێوشوێنی پێویست بۆ مەڕسوومی ژمارە 13ی سەرۆكایەتی تایبەت بە پێدانی ڕەگەزنامە بە هاووڵاتیانی كوردی وڵاتەكە ڕاسپارد.
ئەحمەد شەرع، سەرۆككۆماری سووریا، لە 16ی كانوونی دووەمی 2026 مەڕسوومی ژمارە 13ی دەركرد كە جگە لە پێدانی ڕەگەزنامە، داننان بە مافە كەلتووری و زمانەوانییەكانی كوردانی سووریاش لەخۆدەگرێت.
لە تۆڕە کۆمەڵایەتیەکان شەیری بکە