2 کاتژمێر پێش ئێستا
133 جار خوێنراوەتەوە
دوانزه دهوڵهت له ههوڵدان بۆ نێوهندگیری و ڕاگرتنی جهنگ
پهیام
بەرپرسێکی باڵای ئەمریکی ئاشکرای کرد کە نزیکەی 12 دەوڵەت پەیوەندییان بە ویلایەتە یەکگرتووەکانی ئەمریکاوە کردووە، بە مەبەستی نێوەندگیری و دۆزینەوەی ڕێگەیەک بۆ ڕاگرتنی ئەو جەنگەی کە لەلایەن ئەمریکا و ئیسرائیلەوە دژی ئێران دەستی پێکردووە و ئێستا پێی ناوەتە شەشەمین ڕۆژی خۆیەوە.
ئەم بەرپرسە بۆ تۆڕی "سی ئێن ئێن" ئاماژەی بەوە کردووە کە لەگەڵ پەرەسەندنی گرژییەکان و قووڵبوونەوەی ململانێ چەکدارییەکان، ژمارەی ئەو وڵاتانەی خوازیاری چارەسەرن زیادی کردووە.
هەمان سەرچاوە ئاماژەی بەوە داوە کە هەندێک لەو وڵاتانە ئارەزووی جددییان نیشانداوە بۆ ئەوەی بزانن چۆن دەتوانن هاوکار بن لە کۆتاییهێنان بەم تەنگژە گەورەیە. لایەنی ئەمریکیش لە وەڵامی ئەم دەسپێشخەرییانەدا، پەیوەندی بەو دەوڵەتانەوە کردووە بۆ تاوتوێکردنی میکانیزمە ئەگەرییەکان بۆ هێورکردنەوەی بارودۆخەکە و ڕێگریکردن لە فراوانبوونی زیاتری شەڕەکە لە ناوچەکەدا.
لەلایەکی دیکەوە، هەندێک ڕاپۆرتی هەواڵگری ئاماژە بەوە دەکەن کە دەزگای هەواڵگریی ئێران لایەنی ئەمریکیی ئاگادار کردووەتەوە لە ئامادەییان بۆ کردنەوەی کەناڵەکانی پەیوەندی بە مەبەستی گەیشتن بە ڕێککەوتنێک بۆ کۆتاییهێنان بە جەنگ.
باس لەوەش دەکرێت کە ئەم پەیامانەی تاران لە ڕێگەی دەوڵەتێکی سێیەمەوە گەیشتوونەتە دەست دەزگای هەواڵگریی ناوەندیی ئەمریکا (CIA)، ئەمەش نیشانەیەکە بۆ هەوڵە ژێرپەردەکان بۆ دۆزینەوەی دەرچەیەکی دیپلۆماسی.
لە تۆڕە کۆمەڵایەتیەکان شەیری بکە